Қалтасын тексеремін : Тоқтар Серіков ел естімеген шындығын ашып тастады

Белгілі әнші Тоқтар Серіков пен жұбайы Бейбіт Сейдуалиева отбасындағы бала тәрбиесіне қатысты көзқарастарын бөлісті, деп хабарлайды Arasha.kz.

Өнер иесі бала тәрбиесіне ерекше мән беретінін және кей сәттерде қаталдық танытатынын жасырмады.

"Балаларымның қалтасын үнемі тексеремін. Жасыратыны жоқ, өйткені қауіптенемін. Әлдебір зиянды заттың,темекінің түйіршіктері шығып қалуы да мүмкін ғой?! Бізді әке-шешеміз солай тексерді. "Бөтен кісінің қолынан ештеңе алмаңдар" деп айтып отырамын. Балаларға телефон, гаджеттерді тек демалыс күндері, санаулы уақытқа ғана береміз. Біз асық ойнап өстік. Бұлардыкі осылай болып отыр. Кейде балалық шағын ұрлап жатырмын ба деп ойлаймын, бірақ ар жағы зіл", – дейді әнші.

Жары Бейбіт Сейдуалиева да бұл пікірді қолдап, отбасында қатаң тәртіптің бар екенін атап өтті:

"Жұма күні сабақтан келе салып "айпад" деп айғайлап үйге кіреді. Басқа уақытта алдында қанша телефон, гаджет тұрса да, тиіспейді, ұстамайды. Бұл – отбасымызда қалыптасқан қағида", – дейді Бейбіт Сейдуалиева.