Әкім мен министр сахнадан шеттетті : Роза Рымбаева ел естімеген шындығын жайып салды (ВИДЕО)

Қазақ эстрадасының аңыз тұлғасы Роза Рымбаева журналист Тимур Балымбетовке берген сұхбатында өзіне қатысты бұрын беймәлім жайттарды жария етті. Бұл туралы Sn.kz ақпарат порталы хабарлайды.

Әншінің сахнадағы шығармашылығына 50 жыл толуына орай түсірілген деректі фильм барысында Роза Қуанышқызы белгілі бір министр тарапынан әділетсіздікке ұшырағанын жасырмады.

"Иә, ондай министр болды. Мен кейбір нәрселерге бей-жай қарай алмаймын. Мәселен ол жерде әділетсіз болса, көз жұма қарай алмаймын. Мен үлкен адаммын, кішкентай қыз емеспін ғой. Менің сахнада жүргеніме 50 жыл болды, жасым туралы айтпай-ақ қояйын. Мен өз жолымды тапқан ересек адам ретінде оған құқығым бар деп есептеймін. Неге мен өз пікірімді айтпай, бұғып қалуым мүмкін? Неге мен айтпауым керек? Мен ешкімді сырттай жамандап жатқаным жоқ, бәрін бетке айтамын, ондай адам ешкімге ұнамайды", – деді ол.