Қарағанды мен Минск ТМД жастарының астанасы деп жарияланады

АСТАНА, 22 мамыр – Sputnik. Олжас Бектенов Ашхабадтағы ТМД үкіметтері басшылары кеңесінің отырысына қатысты, деп хабарлады үкімет.

Еске салайық, биыл Достастыққа Түрікменстан Республикасы төрағалық етіп отыр.

ТМД үкіметтері басшылары кеңесінің отырысына Әзербайжан, Беларусь, Қырғызстан, Ресей, Тәжікстан, Өзбекстан үкіметтерінің басшылары, Түрікменстан мен Арменияның өкілдері, сондай-ақ ТМД-ның Бас хатшысы қатысты. Дәстүр бойынша отырыс шағын және кеңейтілген құрамда өтті.

© Photo : Қазақстан премьер-министрінің баспасөз қызметіОлжас Бектенов Ашхабадтағы ТМД үкіметтері басшылары кеңесінің отырысына қатысты

Олжас Бектенов Ашхабадтағы ТМД үкіметтері басшылары кеңесінің отырысына қатысты

© Photo : Қазақстан премьер-министрінің баспасөз қызметі

Отырыс қорытындысы бойынша ТМД елдерінің тау-кен металлургия кешені, көлік, радионавигация салаларын цифрлық трансформациялау, уран өндіру өндірістерінің әсеріне ұшыраған аумақтарды рекультивациялау, конгресс-көрме қызметі және тағы басқа салалардағы ынтымақтастығына қатысты бірқатар құжатқа қол қойылды.

"Бұдан бөлек, 2027 жылы Беларусь Республикасының Минск қаласын, 2028 жылы Қазақстан Республикасының Қарағанды қаласын ТМД жастарының астанасы деп жариялау туралы шешім қабылданды", - деп жазылған хабарламада.

© Photo : Қазақстан премьер-министрінің баспасөз қызметіОлжас Бектенов Ашхабадтағы ТМД үкіметтері басшылары кеңесінің отырысына қатысты

Олжас Бектенов Ашхабадтағы ТМД үкіметтері басшылары кеңесінің отырысына қатысты

© Photo : Қазақстан премьер-министрінің баспасөз қызметі

Халықаралық жоба азаматтардың жас буынын мемлекетаралық қатынастардың барлық салаларында орнықты даму бағдарламаларын жүзеге асыруға тартуға бағытталған.

Тәуелсіз Мемлекеттер Достастығы үкіметтері басшылары кеңесінің келесі отырысы осы жылдың желтоқсан айында Мәскеу қаласында өтеді.