Қарағанды облысының Осакаров ауданында полицияның жедел басқару орталығы ашылды

Қарағанды облысының Осакаров ауданында полицияның жаңа жедел басқару орталығы ашылды. 

Нысан «Заң және тәртіп» қағидасын жергілікті деңгейде жүзеге асыру негізінде пайдалануға беріліп отыр. Мұндағы цифрлық жүйеге көше камералары қосылған.  Бұған қоса ауданның мектептері мен балабақшаларындағы 913 камера  бір орталықтан бақыланады. Бұл жедел әрекет етуге мүмкіндік береді, дейді мамандар. Кезекшілік бөлімі тәулік бойы жұмыс істейді. Алдағы уақытта бақылау жүйесіне жасанды интеллектпен басқарылатын «ақылды камералар» қойылады.

Азиз Жұмағазиев, Осакаров ауданы полиция бөлімінің бастығы:

- Орталық қосылғаннан бері біздің бейнекамералар арқылы 45 әкімшілік құқық бұзушылық анықталды. Болып жатқан оқиғаларды дер кезінде қарап, шешім қабылдай аламыз. Себебі бізде 24 сағат бақылауда кезекші бөлімінде. Сонымен қатар мектеп пен балабақшаларда дабыл түймелері орнатылған. Олардың барлығы кезекшілік бөліміне қосылған және жедел әрекет етуге мүмкіндік береді.