Байқоңырда жедел басқару орталығы ашылды

Республика күні қарсаңында Байқоңырда жедел басқару орталығы іске қосылды.

Төретам мен Ақай елді мекендеріндегі 77 бейнебақылау камерасы мен  жылдамдық өлшейтын 5 құрылғы осы орталықтан бақыланады. Жобаны жүзеге асыруға бюджеттен 320 млн теңге бөлінді. Мамандардың айтуынша, бұл бастама қоғамдық қауіпсіздікті арттыруға және құқық бұзушылықтың алдын алуға мүмкіндік береді. Айта кетейік, биыл өңірдің барлық аудандық полиция бөлімінде   жедел басқару орталығы ашылды.

Сәбит Ибадулла , облыстық Полиция департаменті бастығының орынбасары:

- Қызылорда ооблысындағы аудан және қала орталығы соның жиынтығы ретінде барлық камераларды тікелей түрде, ішкі істер министрлігіне де қосылып және ол жақтан да көріп, бақылауға мүмкіндік туады. Жалпы Қазақстан бойынша ең алғаш рет Қызылорда облысы 2024 жылы 7 ауданда, яғни 100 пайыз осындай кіші жедел басқару орталығымен қамтамасыз етілді. Соның барлығына 588 камера қойылды. Одан бөлек жылдамдық өлшегіш құрылғылар бар.