Қарағандыда 94 жастағы әжейдің 1 млн теңгесін алдап алып кеткен күдіктілер ұсталды

Фото: видеодан алынған кадр

Полицияның мәліметінше, маусым айының соңында белгісіз екі әйел қарияның үйіне келіп, өздерін әлеуметтік қызметкер ретінде таныстырған. Олар ескі үлгідегі ақшаларды жаңасына ауыстыру жүргізіліп жатқанын айтып, зейнеткердің жинаған қаражатын сақтап жүрген орнын көрсетуге көндірген.

Күдіктілер кеткеннен кейін әжей өз жинағындағы 1 миллион теңгенің жоғалғанын байқап, бірден полицияға хабарлаған.

Жедел-іздестіру шаралары барысында криминалдық полиция қызметкерлері бейнебақылау камераларындағы жазбаларды зерттеп, күдіктілердің жеке басын анықтады. Олар Алматы қаласының тұрғындары болып шықты.

Солтүстік Қазақстан облысының тұрғындары алаяқтарға банк шоттарын тауып берумен айналысқан

Қазіргі уақытта күдіктілер ұсталып, аталған дерек бойынша сотқа дейінгі тергеу жүргізіліп жатыр. Сонымен қатар полиция олардың Қарағанды облысы мен еліміздің өзге өңірлерінде жасалған осыған ұқсас қылмыстарға қатысы бар-жоғын тексереді.

Алматыда алаяқтардың құрығына ілінген зейнеткерлер 1,5 млрд теңгесінен айырылды

Осыған байланысты тәртіп сақшылары азаматтарға егде жастағы туыстарын кең таралған алаяқтық тәсілдері туралы алдын ала ескертіп, бейтаныс адамдарды үйге кіргізбеуге, ақша сақталған орын туралы бөгде адамдарға айтпауға және күмәнді жағдай туындаған жағдайда бірден 102 нөміріне хабарласуға кеңес береді.

Айта кетейік, Батыс Қазақстанда 7 студент алаяқтарға көмектескені үшін сотталды. Сондай-ақ Ақтөбеде 39 жастағы ер адамға алаяқтар WhatsApp арқылы қоңырау шалған. Телефон арқылы таныстықтың салдары қомақты қаржыдан айырылуға әкеліп соққан.