Қару, жанармай, валюта: шекарадағы заңсыз әрекетке тосқауыл қойылды

ҰҚК Шекара қызметі 2026 жылғы қаңтардағы жұмыстың қорытындысын шығарды.  Бір айда мемлекеттік шекара мен шекара кеңістігінде заң бұзған мыңдаған азамат ұсталды, сонымен қатар шекара арқылы тауар мен жүктерді мыңдаған заңсыз өткізу деректері анықталды. 

ҰҚК Шекара қызметі хабарлағандай, құзырлы органдармен өзара әрекеттесе отырып, шекара кеңістігінде 3 026 ҚР заңнамасын бұзушыларды ұсталды, соның ішінде 2 594 шетел азаматы.

Мемлекеттік шекара арқылы тауарлар мен жүктерді заңсыз өткізудің 1 062 дерегі әшкереленді, соның ішінде:

25 факті – қарулар мен оқ-дәрілер (2 мылтық, 66 дана суық қару, 3 дана жарық-дыбыс гранатасы, 78 дана оқ-дәрілер); 580 факті – 60 тоннадан асатын мөлшерде жанар-жағармай материалдары;376 факті – жалпы сомасы 620 млн теңгеден астам халық тұтыну тауарлары;81 факті – жалпы сомасы 860 млн теңгеден астам шетел валютасы.

Каспий су айдынында браконьерлік іс-әрекеттің бес дерегінің жолы кесілді, заңсыз балық аулау құралдары тәркіленді.

Бұл деректер бойынша материалдар процессуалдық шешімдер қабылдау үшін құқық қорғау және сот органдарына жіберілді.

Бүгін, 11:12