Қазақстанда заңсыз қазба жұмыстарына тосқауыл қойылды

Aikyn.KZ парақшасынан алынған ақпаратқа сәйкес, Qazaq24.com хабарлайды..

Мемлекеттік кеңесші Ерлан Қарин Ұлттық құрылтай аясында Мемлекет басшысының бастамалары мен тапсырмаларын жүйелі түрде жүзеге асыру жалғасып жатқанын айтты, - деп хабарлайды Aikyn.kz.

Президент тарихи-мәдени мұра нысандарын қорғау мәселелері жөніндегі заңға қол қойды.

Заңнамалық түзетулер археология саласын жүйелеуге бағытталған. Атап айтқанда, археологиялық жұмыстарды лицензиялау жүйесін жетілдіру, нысандарды қазба жұмыстары аяқталғаннан кейін қорғау, қоршалған аумақты қалпына келтіру, табылған материалдарды орталықтандырылған негізде сақтау шаралары қарастырылған. Сондай-ақ заңда Мемлекеттік қор, Ұлттық депозитарий, Бірыңғай автоматтандырылған ақпараттық жүйе құру көзделген.

Ерлан Қариннің айтуынша, бұл қадамдар тарихи мұраны қорғау ісін жақсартады, заңсыз қазба жұмыстарына қарсы күрестің тиімділігін арттырады әрі археология саласындағы бақылау мен тәртіпті қамтамасыз етеді.

Сонымен қатар Үкімет 2026-2028 жылдарға арналған Нашақорлыққа және есірткі бизнесіне қарсы күрес жөніндегі жаңа кешенді жоспарды қабылдады.

Жаңа жоспарда нашақорлыққа қарсы іс-қимыл саласында бұған дейін қабылданған шараларды жүзеге асыру тәжірибесі ескерілді. Нашақорлықтың алдын алу және қоғамдық денсаулық сақтау мәселелерін шешу блогы күшейтілді. Ең бастысы, құжатты әзірлеуге Президент жанындағы Жастар саясаты жөніндегі кеңестің мүшелері айрықша атсалысты. Олар қоғамда нашақорлыққа қарсы нөлдік төзімділікті орнықтыру ісінен де шет қалған емес.

Оқиғаларды жіберіп алмау үшін Qazaq24.com сайтынан ең өзекті жаңалықтарды қарап отырыңыз.