Қаржылық қауіпсіздік олимпиадасының финалистері анықталды

Олимпиаданың басты мақсаты – студенттердің қаржылық қауіпсіздік, көлеңкелі экономика мен қаржылық құқықбұзушылықтарға қарсы іс-қимыл саласындағы тәжірибелік білімін арттыру, сондай-ақ олардың аналитикалық ойлау қабілеті мен кәсіби жауапкершілігін дамыту.

– Биыл «Заң мен Тәртіп» нарративі аясында өткен ұлттық олимпиадаға 2–3 курс студенттері мен 1 курс магистранттарын қоса алғанда 5 887 адам қатысты. 2026 жылғы 27 сәуірде еліміздің жетекші жоғары оқу орындарының 40 үздік студенті қатысқан олимпиаданың финалы өтті, – деп хабарлады агенттіктен.

Нәтижесінде Қазақстанды Ресей Федерациясында өтетін Қаржылық қауіпсіздік бойынша халықаралық олимпиадада таныстыратын 10 жеңімпаз анықталды. Жеңімпаздар тізімі Агенттіктің ресми сайтында жарияланды.

Олимпиада Maqsut Narikbayev University, Halyk Bank және ЕҚЫҰ-ның Астанадағы Бағдарламалар офисінің қолдауымен өтті.