Digital Qazaqstan Battle ұлттық стартап батлының финалистері анықталды

Қазақстанда Astana Hub ұйымдастырған технологиялық жобаларға арналған ұлттық стартап-батл – Digital Qazaqstan Battle өңірлік жартылай финалдары аяқталды. Байқау қорытындысы бойынша өз өңірлерін таныстырып, шешімдерін Шымкент қаласында өтетін Digital Qazaqstan форумы сахнасында ұсынатын 20 финалист анықталды, деп хабарлайды Egemen.kz. 

Жасанды интеллект және цифрлық даму министрлігінің мәліметінше, өңірлік жартылай финалдардың қорытындысы бойынша Digital Qazaqstan Battle финалына 20 стартап өтті. Олардың қатарында: aitomaton (Қостанай), Lady Taxi (Атырау), SanEduPortal (Семей), Kasibi Taxi (Орал), LoyaBonus (Өскемен), Okushy (Көкшетау), CortexAI (Қызылорда), Proji (Ақтөбе), zhihaz.kz (Қонаев), SmetaHub (Жезқазған), gro.now (Алматы), Reco (Тараз), AR Sana (Астана), Qalam (Шымкент), Ai-mektep (Түркістан), JolScan (Қарағанды), Mathlab (Павлодар), Help Hand (Талдықорған), KenDala (Ақтау) және Numerus (Петропавл).

«Digital Qazaqstan Battle – мықты технологиялық жобалар тек ірі қалаларда ғана емес, Қазақстанның өңірлерінде де пайда болатынын көрсетуге мүмкіндік. Жартылай финалдар барысында біз дайын өнімдері бар, алғашқы сатылымдарын жүзеге асырған және халықаралық нарықтарға шығуды көздейтін стартаптарды көрдік. Шымкентте өтетін финал олардың ең үздіктеріне өз шешімдерін инвесторларға және елдің бүкіл технологиялық экожүйесіне таныстыруға мүмкіндік береді», деді Astana Hub басқарушы директоры Танат Өскембаев.

Өңірлік батлдардың жеңімпаздарының бірі – жол инфрақұрылымының жай-күйін мониторингтеу және компьютерлік көру технологиялары арқылы автотұрақ кеңістігін басқару шешімін әзірлейтін JolScan стартабы. Жүйе қалалық камералар мен мобильді құрылғылардан жиналған деректер негізінде жол жабынындағы ақауларды автоматты түрде анықтайды. Бұл жолдарды қолмен тексеруге кететін шығындарды айтарлықтай азайтуға мүмкіндік береді.

«Жартылай финалда жеңіске жету – жол инфрақұрылымын мониторингтеу мен автотұрақ кеңістігін басқаруды бір экожүйеге біріктіретін «ақылды қала» тұжырымдамамыздың өміршеңдігін растайды. Біз үшін бұл қолданыстағы қалалық инфрақұрылымды мобильді сенсорлар ретінде пайдалану сияқты инновациялық тәсіл қалаларды цифрлық трансформациялаудың тиімді құралы бола алатынын көрсетеді», деді JolScan стартабының тең құрылтайшысы Рустем Қадыров.

Өңірлік кезеңнің тағы бір жеңімпазы – aitomaton стартабы. Ол AI-агенттердің көмегімен бизнес-процестер мен коммуникацияларды автоматтандыруға арналған платформаны әзірлейді.

«Біз бизнес үшін AI-агенттер мен адамдарды бір жұмыс кеңістігінде біріктіретін платформаны жасап жатырмыз. Онда негізгі құралдар біріктірілген: CRM, таск-трекер, қызметтерге жазылу жүйесі, омниканалды мессенджер, телефония және қоңыраулар мен чаттарда жұмыс істейтін AI-агенттер. Digital Qazaqstan Battle финалына шығу – бұл тұжырымдаманы кең технологиялық аудиторияға таныстыруға тамаша мүмкіндік. Финалда үздік үштікке еніп, жобаны дамыту үшін жаңа серіктестер табуды жоспарлап отырмыз», деді aitomaton жобасының CPO және негізін тең қалаушы Эдгар Володькин.

«Шекара аруы» бейнебайқауының жеңімпазы анықталды

Еске сала кетсек, ұлттық стартап-батлдың финалы 2026 жылғы 27 наурызда Шымкент қаласында Digital Qazaqstan форумы аясында өтеді. Финалистер өз жобаларын қазылар алқасына, инвесторларға және елдің технологиялық экожүйесінің өкілдеріне таныстырады.

Батл жеңімпазы 10 000 000 теңге, екінші орын иегері 5 000 000 теңге, үшінші орын иегері 3 000 000 теңге алады. Сонымен қатар 1 000 000 теңге көлемінде көрермен көзайымы жүлдесі табысталады. Қазылар алқасы жобаларды нарықтық динамикасы, команда сапасы, масштабталу әлеуеті және инвестициялық тартымдылығы бойынша бағалайды.

Ташкенттегі Grand Slam турниріне қатысатын балуандар анықталды

Соңғы жаңалықтар

Digital Qazaqstan Battle ұлттық стартап-батлының финалистері анықталды

Қоғам • Бүгін, 14:32

Биыл бала күтіміне байланысты 112 млрд теңгеден астам жәрдемақы төленді

Қоғам • Бүгін, 14:22

Абу-Дабиде әскери операцияның видеосын желіде таратқан 45 адам ұсталды

Оқиға • Бүгін, 13:42

Суретші Алпысбай Қазғұловқа Түркі дүниесі Көркемсурет академиясының атағы берілді

Қоғам • Бүгін, 13:32

Ұлттық ұланның әскери бөлімінде үш тракторшы қызмет етеді

Әскер • Бүгін, 13:12

Қазақстан әлемнің 72-ден астам еліне ауыл шаруашылығы өнімдерін жеткізеді

Қоғам • Бүгін, 12:50

Елена Рыбакина Индиан-Уэллс турнирінің финалына шықты

Теннис • Бүгін, 12:45

Үкімет Ақтау бу-газ қондырғысын салу жөніндегі келісімге қол қоюды мақұлдады

Үкімет • Бүгін, 12:22

Алғаш рет қазақ альпинистері Эйгер тауының солтүстік қабырғасын бағындырды

Қоғам • Бүгін, 12:14

Елімізде «Аңсаған сәби» бағдарламасының арқасында 11 мыңнан астам бала дүниеге келді

Медицина • Бүгін, 11:40

Ұландықтар Көрісу күні ата-аналарымен тілдесті

Қоғам • Бүгін, 11:33

Жер қойнауын пайдаланушылардың сатып алуларындағы жергілікті қамту үлесі 65%-ға жетті

Қоғам • Бүгін, 11:17

Таяу Шығыс аймағынан 10 000-нан астам отандасымыз қайтарылды

Оқиға • Бүгін, 11:10

Қазақстанда «Nauryz Sale» мерекелік акциясы басталды

Қоғам • Бүгін, 11:03

Елордада жедел жәрдем фельдшеріне шабуыл жасаған күдікті ұсталды

Оқиға • Бүгін, 10:59

Барлық жаңалықтар