Қаскелеңде бір жыл бұрын жоғалып кеткен жас әйелдің ісінде жаңа дерек пайда болды

Қарасай ауданында 2025 жылғы маусымда жоғалып кеткен әйелдің ісіне қатысты жаңа дерек пайда болды. Бұл туралы Lider.kz ұйымының еріктілері мәлімдеді, - деп хабарлайды Tengrinews.kz тілшісі.

Қарасай ауданында 2025 жылғы маусымда жоғалып кеткен әйелдің ісіне қатысты жаңа дерек пайда болды. Бұл туралы Lider.kz ұйымының еріктілері мәлімдеді, - деп хабарлайды Tengrinews.kz тілшісі.

Еске салайық, 1993 жылы туған Аманқылышова Жайна Жеңісбайқызы 2025 жылғы 8 маусымда жоғалып кеткен. Таңғы сағат 6 шамасында ол Қарасай ауданы, Қаскелең қаласы, 30-квартал, Жаңа құрылыс мекенжайындағы үйінен шығып кеткен. Үстіне қара футболка мен ақ шалбар киген, заттары салынған пакеті мен телефоны болды.

Еріктілер келіп түскен барлық ақпаратты тексере отырып, бірнеше рет белсенді іздестіру жұмыстарын жүргізді. Алайда әйел әлі күнге дейін табылмады.

Жақында еріктілерге хабарлама бойынша қоңырау шалынып, жоғалған әйелді көрген жер айтылған. Куәгерлердің айтуынша, олар былтыр тамызда әйелді Алматыдағы ықшамаудандардың бірінен көрген.

Егер сізде жоғалған адамның жүрген жері туралы ақпарат болса немесе оны көрген болсаңыз, еріктілерге хабарласуыңызды сұраймыз: +7 701 375 92 91, +7 705 105 31 31 телефон/WhatsApp нөмірлеріне, директке жазуға немесе 102 пультіне хабарласуға болады.

Instagram-дағы бұл жарияланымды көру

Алматы қаласы және Алматы облысының «LIDER.KZ» еріктілерінің жарияланымы (@volontery_lider.kz_almobl)