Қатерлі ісікке шалдыққан алғашқа 6 науқас ресейлік инновациялық препаратты алды

АЛМАТЫ, 28 қазан — Sputnik. Қазақстанда алты науқас қатерлі ісікке арналған инновациялық ресейлік препаратты алды. Бұл туралы Ядролық медицина дәрігері Қуантқан Жабағин Sputnik Қазақстанға хабарлады.

"Самарий-153 Оксабифор" радиофарм препаратын "Росатом" мемлекеттік корпорациясы әзірледі.

Қазақстанда оны метастаз сүйекке өткен пациенттер үшін пайдаланады, жыл соңына дейін тағы 20-25 пациентке енгізу жоспарланып отыр.

Препарат сау тіндерге әсер етпестен ауырсынуды азайтады. Ремиссияның ұзақтығы 4-6 айға жетеді, ал қауіпсіздік хаттамалары сақталған кезде аурудың асқыну қаупі төмен болады.

153sm-Оксабифор радионуклидтік терапия есірткі анальгетиктерін тұрақты қабылдаудан бас тартуға, сүйек метастаздарының дамуын тежеуге және ауырсыну синдромының тұрақты түрде төмендеуіне мүмкіндік береді.

Терапия ақылы негізде қолжетімді – бір курстың құны 1,2 млн теңге. Болашақта медициналық көмекке тариф бекітілгеннен кейін МӘМС-ке енгізуге болады.