Qazaq Expert Club жобасына өтінім қабылдау басталды

Жас мамандар мен сарапшыларға арналған Qazaq Expert Club жобасына өтінімдер қабылдау басталды  Бұл – түрлі саладағы аналитиктерді, практиктерді, қоғамдық көшбасшыларды және мамандарды біріктіретін, салалық сарапшылардың тәуелсіз кәсіби қауымдастығы.
Жоба өзінің сарапшылық деңгейін нығайтқысы келетіндер, медиамен, мемлекеттік құрылымдармен және бизнеспен коммуникация орнатуды үйренгісі келетіндер, сондай-ақ өз идеялары мен зерттеулерін көпшілік ортада ілгерілеткісі келетіндер үшін құрылған. Qazaq Expert Club аясында қатысушылар жеке дамудың, кәсіби талдаудың және көпшілік алдындағы коммуникациялардың практикалық құралдарын меңгереді.
Өтінімдер 2025 жылдың 26 қазанына дейін қабылданады. Іріктеу кезеңдерінен кейін кандидаттармен сұхбат жүргізіліп, нәтижелері 31 қазанда жарияланады. Жобаға қатысу тегін. Алайда, өңірлерден келген қатысушылар ұшу және тұру шығындарын өздері жабады.
Жоба 8 қарашада басталып, бес аптаға созылады. Күндізгі сабақтар сенбі күндері Алматыдағы Al-Farabi HUB алаңында өтеді. 
Кездесулер арасында қатысушылар жеке тапсырмаларды орындап, оларды тәлімгерлермен онлайн-форматта талқылайтын болады.
Оқыту бес негізгі бағытты біріктіреді: сарапшының мемлекетпен және институттармен жұмысы, нарықты және реттеуді түсіну, медиамен өзара байланысу, жеке брендті және digital-экожүйені дамыту, жүйелі сараптамалық жобаларды құру.
Жобаға қаржы және салалық реттеушілердің басшылары, талдау орталықтарының, университеттердің, корпоративтік сектордың өкілдері, БАҚ бас редакторлары және танымал Telegram-арналардың авторлары қатысады. Олар талдамалық, зерттеу және коммуникациялық жұмыс тәжірибесімен бөліседі. Жоба әл-Фараби атындағы ҚазҰУ базасында «Farabi hub»-та іске асырылады.
Жобаның негізін қалаушы Әлия Адамбаева, Qazaq Expert Club өз кәсіби білімдерін жұртшылықпен бөлісуге дайын мамандарды қолдау үшін құрылғанын атап өтті.

«Бүгінде көпшілік алаңда нағыз сарапшылар емес, жай ғана қатты сөйлей алатындардың дауысы шығып тұрған кезде, нағыз білімнің құндылығын қайтару өте маңызды. Осылайша Qazaq Expert Club пайда болды. Бұл сарапшылықты өз қолына алатын алаң. Біз өз ісін шынымен түсінетін, тәжірибесімен бөліскісі келетін, дауысы естілетін және кәсібилігі арқылы әлемге ықпал еткісі келетіндердің басын біріктіреміз», — деді ол.

Негізін қалаушылардың бірі, экономист Бауыржан Шұрманов, Qazaq Expert Club кәсіби диалог үшін жүйелі алаң құруға көмектесетінін айтады.

«Тек пікір білдіру ғана емес, шешімдерді қалыптастыру маңызды. Біз сарапшылардың көпшілік алаңына шығып, диалогқа қатысып, қоғамда болып жатқан жағдайларға ықпал етуін қалаймыз. Бағдарлама аяқталғаннан кейін біз бір-бірімізді ілгерілететін және білім мен кәсібилік ортақ күшке айналатын сарапшылардың экожүйесін құра отырып, қауымдастық ретінде жұмысымызды жалғастырамыз», — деп атап өтті ол.

Жобаның нәтижесі – аналитиктерді, зерттеушілерді және пікір көшбасшыларын біріктіретін тұрақты сарапшылар қоғамдастығын – ашық комьюнитиді қалыптастыру болмақ. 
Қатысуға арналған сауалнаманы мына сілтеме бойынша толтыруға болады: https://docs.google.com/forms/d/1g-FpMlLaBxZTcxQDn_caZ1TB7xvYM6FYKdAXL_3BooA/edit
Жоба туралы толық ақпарат пен жаңалықтар әлеуметтік желілерде жарияланады: Instagram — https://www.instagram.com/qazaqexpertclub?igsh=MTZtNjBoZmR1NHM0dw==,
Telegram — https://t.me/qazaqexpertclub