Қазақстан мен Чехия арасындағы тауар айналымы 700 млн доллардан асты

– Біздің елдеріміз отыз жылдан астам уақыттан бері берік әрі өзара сенімге құрылған қарым-қатынаста. Бұл аралықта өзара бірлесіп әрекет етудің тұрақты институционалдық негізі қаланды. Экономика, өндіріс және ғылыми-техникалық бағыттарда әріптестік бойынша Үкіметаралық комиссия негізгі рөл атқарады, – деді ол.

Сонымен бірге, Чехия Еуропаның индустриялық тұрғыда дамыған мемлекеттерінің арасында елеулі орын алады. Ол, әсіресе, машина жасау, автокөлік құрастыру және инженерия салаларында озық.

Аталған елдің Қазақстан экономикасына тигізіп жатқан септігі де айтарлықтай ауқымды.

– 2025 жылдың қорытындысы бойынша, елдеріміздің арасындағы тауар айналымы 700 млн доллардан асты. Соның ішінде өндірістік өнімнің үлесі шамамен 98%. Соңғы 20 жылда Қазақстан экономикасына 350 млн доллардан астам Чехия инвестициясы құйылды. Сонымен бірге, бүгінде республикада Чехия үлесі бар 150 компания жұмыс істейді, – деді вице-министр.

Айта кетейік, бұған дейін Чехия 2050 жылға дейін 6 шағын ядролық реактор орнатуды жоспарлап отырғанын жазғанбыз.