Қазақстан олигархтары футбол клубтарын басқарады

Қазіргі уақытта мемлекеттік бюджет есебінен қаржыландырылып отырған еліміздің футбол клубтары жақын арада жаңа иелерін табуы ықтимал. Бұған дейін Президент Қасым-Жомарт Тоқаев командаларды бизнеске беру туралы тапсырма берген еді, деп хабарлайды Arasha.kz.

Премьер-министр Олжас Бектеновтің мәліметінше, Сергей Канның «ЦАТЭК» АҚ компаниясы «Қызыл-Жар» клубын сатып алуды жоспарлап отыр, ал Тимур Турловтың Freedom Finance компаниясы «Шахтерге» инвестиция салып, ол үшін стадион мен академия салуды көздеп отыр. Михаил Ломтадзенің Kaspi Group компаниясы «Жеңіс» клубын сатып алып, Астанада футбол инфрақұрылымын дамыту мәселесін қарастыруда. Сондай-ақ Ислам Қозбақов басқаратын TAU GROUP LTD «Қайсар» клубына қызығушылық танытқан.

Бұдан бөлек, «Тараз», «Елімай» және «Ертіс» клубтарына қатысты да келіссөздер жүргізілуде.

Алайда қазіргі таңда барлық командалар мемлекеттік бюджеттен қаржыландыруды жалғастырып отыр. 2025 жылы бұл мақсатқа 35 миллиард теңге бөлінген.