Қазақстан Қазанда өткен жас аспаздар турнирінде Дәстүрді сақтау номинациясын жеңіп алды

АСТАНА, 17 мамыр – Sputnik. Қазанда өткен "Ресей – Ислам әлемі: ҚазанФорум" халықаралық экономикалық форумы аясында жас аспаздардың үшінші халықаралық турнирі ұйымдастырылды.

Жарысқа 16-25 жас аралығындағы 16 елдің жас аспаздары қатысты. Қазақстан командасы арнайы "Дәстүрді сақтау" номинациясы бойынша жеңімпаз атанды.

Бас жүлдені Мысыр елінің өкілі Эдрис Абдельрахман Мохсен Абдо Халиль иеленді.

Турнирді Татарстан Республикасының Рестораторлар және қонақүй иелері қауымдастығы мен Жастар дипломатиясы академиясы ұйымдастырды. Іс-шара Татарстан үкіметінің және "Ресей – Ислам әлемі" стратегиялық көзқарастар тобының қолдауымен өтті.

Айта кетері, "Ресей – Ислам әлемі: ҚазанФорум" халықаралық экономикалық форумы Қазанда 12-17 мамыр аралығында өтті. 2026 жылғы ҚазанФорумға қатысу үшін әлемнің 103 елінің өкілдері тіркелген.