Қазақстан Ресейге қызанақ жеткізуді былтырғыға қарағанда екі есе арттырды

АСТАНА, 21 тамыз – Sputnik. Ресей қаңтар-маусым айларында Қазақстаннан қызанақ импортын өткен жылмен салыстырғанда екі есеге арттырып, бұл 20,7 миллион долларға жетті, деп хабарлады РИА Новости агенттігі жергілікті кеден агенттігінің деректеріне сүйене отырып.

Агенттік сонымен қатар қырыққабат импортында оң үрдістерді тіркеді - Ресейден сұраныс шамамен 1,5 есеге өсіп, 6,2 миллион долларға жетті.

"Алайда ел картоп сатып алуды айтарлықтай қысқартты: импорт бес есеге төмендеп, небәрі 183 700 долларды құрады", - деп жазылған хабарламада.

Қияр бойынша да шамалы теріс үрдіс тіркелді: жеткізу көлемі ақшалай мәнде өткен жылдың сәйкес кезеңімен салыстырғанда 6,4%-ға төмендеп, 8,6 миллион долларға жетті.

Ресей Қазақстан үшін негізгі көкөніс нарықтарының бірі болып табылады. Осылайша есепті кезеңде ел Қазақстанның қызанақ экспортының 99%-ын, қырыққабат экспортының 95%-ын және қияр экспортының барлығын дерлік құрады. Алайда, Ресейдің картоп экспортындағы үлесі елеусіз болды - шамамен 1%. Себебі Қазақстан картобы негізінен көршілес Өзбекстанға экспортталады, оның үлесі 81%-ды құрайды.