Қазақстан темір жолы Наурыз қарсаңында қосымша пойыздар шығарады

Наурыз мерекесі қарсаңында Қазақстан темір жолы жолаушылар ағынын қамтамасыз ету үшін үш қосымша пойыз тағайындап, барлығы 20 рейс орындайды.
Сонымен қатар сұранысы жоғары бағыттардағы қолданыстағы құрамдарға 230-ға жуық тіркеме вагон қосылады. Соның нәтижесінде жолаушыларға 35 мың қосымша орын ұсынылады.

Қосымша пойыздар келесі бағыттарда жүреді:
– №201/202 Алматы – Астана (6 рейс)
– №204/203 Астана – Шымкент (8 рейс)
– №205/206 Ақтөбе – Астана (6 рейс)

Компания мәліметінше, бұл шаралар мереке күндері билет қолжетімділігін арттыруға бағытталған. Билеттерді ресми сайттан және теміржол вокзалдарының кассаларынан сатып алуға болады.