Қазақстан түсті металдар экспортына салынған тыйымды алты айға ұзартты

АСТАНА, 2 шілде – Sputnik. Өнеркәсіп және құрылыс министрлігі жаңа бұйрық шығарды.
Құжатқа сәйкес, 12 шілдеден бастап елден түсті металл дайындамалары мен құймаларын көліктің барлық түрімен экспорттауға алты айлық тыйым енгізіледі.

Бұл шектеу төмендегі мыс өнімдеріне қатысты:

тазартылмаған мыс және электролиттік тазартуға арналған мыс анодтары;

прокаттауға арналған дайындамалар;

мыстың өзге де қорытпалары;

электрлік оқшаулағышы жоқ мыстан жасалған есілген сымдар, тростар, өрілген шнурлар және соған ұқсас бұйымдар.

Сондай-ақ, тазартылған мыс дайындамалары мен басқа түрлері.

2025 жылдың сәуірінде Қазақстан аумағынан қара және түсті металдардың қалдықтары мен сынықтарын барлық көлік түрімен әкетуге алты айға тыйым салынған болатын