Қазақстанда АЭС салуға арналған жаңа өңір аталды

Қазақстанда Қостанай облысында да атом электр станциясын салу мүмкіндігі қарастырылады. Бұл туралы Атом энергиясы жөніндегі агенттіктің төрағасы Алмасадам Сәтқалиев мәлімдеді, деп хабарлайды Tengrinews.kz.

Қазақстанда Қостанай облысында да атом электр станциясын салу мүмкіндігі қарастырылады. Бұл туралы Атом энергиясы жөніндегі агенттіктің төрағасы Алмасадам Сәтқалиев мәлімдеді, деп хабарлайды Tengrinews.kz.

Оның айтуынша, елдегі энергиямен жабдықтау тұрақтылығын қамтамасыз ету үшін кемінде үш, ал болашақта төрт атом электр станциясын салу жоспарланған.

Сәтқалиев болжамды энергия теңгерімін, сондай-ақ экологиялық және сейсмикалық қауіпсіздік талаптарын ескере отырып, бірқатар әлеуетті алаңдардың зерттелгенін атап өтті.

"Қазақстанда атом энергетикасын дамыту үшін бірнеше бірегей алаң бар. Бірінші кезекте бұл - Балқаш маңындағы аймақ, ол объективті түрде алты ірі энергетикалық блокқа дейін салуға мүмкіндік береді. Жақсы әлеуеті бар Курчатов бар - бұл шағын немесе орта қуатты атом реакторларын дамытуға арналған алаң. Сондай-ақ Батыс Қазақстан бар, онда энергетикалық қондырғыларды аралас режимде пайдалану тәжірибесі бар", - деді ол.

Агенттік басшысы елдің басқа өңірлеріне де жеке тоқталып өтті.

"Энергия теңгеріміне сүйенсек, алыс болашақта - 20–30 жылдан кейін Қостанай да Қазақстанда атом станциясын салу үшін перспективалы орынға айналуы мүмкін", - деді Сәтқалиев.

Осылайша, Қостанай облысы ұзақ мерзімді перспективада АЭС салуға арналған ықтимал алаңдардың бірі ретінде қарастырылған.

Бұған дейін Қазақстандағы екінші АЭС-тің атауы белгілі болды.

Еске сала кетейік: былтыр күзде Қазақстанда бірінші АЭС-тің атауы анықталған болатын. Конкурстық комиссияның қорытынды отырысының нәтижесінде азаматтардан ең көп ұсыныс түскен "Балқаш" атом электр станциясы" атауы жеңімпаз деп танылды.

Бұған дейін 2050 жылға қарай Қазақстанда кемінде үш атом электр станциясын (АЭС) іске қосу жоспарланып отырғаны хабарланған болатын. Бұл ретте төртінші станцияны салу жобасын жүзеге асыру да қарастырылған.