Қазақстанда алдағы күндері ауа райы құбылмалы болады

"Қазгидромет" баспасөз қызметі 14, 15 және 16 ақпанға арналған ауа райы болжамын жариялады, – деп хабарлайды Aikyn.kz сайты

15 ақпаннан бастап Қазақстанның батыс өңірлеріне солтүстік-батыстан циклон жылжиды. Ол шығысқа қарай қозғалып, жаңбыр мен қар алып келеді. Сонымен қатар желдің күшеюі байқалып, ауа температурасы республика аумағында біртіндеп көтеріледі.

Елдің оңтүстігі мен оңтүстік-шығысында оңтүстік циклонның ықпалымен атмосфералық фронттар өтеді. Осыған байланысты аталған аймақтарда тұрақсыз ауа райы сақталады: жаңбыр мен қар жауады. 14–15 ақпанда кей жерлерде қатты жауын-шашын күтіледі.

Республика бойынша желдің күшеюі, көктайғақ және тұманның түсуі де болжанып отыр.

Бұған дейін Алматы қаласы мен елдің 14 облысында 13 ақпан, жұма күні дауылды ескерту жарияланған еді.