Қазақстанда әскерде өлген сарбаздың құны 1,8 млн теңге (ВИДЕО)

Астанадағы Министрліктер үйінің алдында қаза тапқан сарбаздардың аналары жиналып, Қазақстан армиясындағы әділетсіздікке наразылық білдірді, деп хабарлайды Arasha.kz. 

Олар өз балаларының өлімін "өз-өзіне қол жұмсау" деп көрсетуге қарсы екенін айтып, шындық пен жауапкершілік талап етті. Бұл туралы журналист Лұқпан Ахмедьяров хабарлап, оқиға орнынан бейнежазба жариялады.

"Сіз білесіз бе, Қазақстанда әскерде қаза тапқан сарбаздардың ата-аналары қанша өтемақы алады? Бар болғаны 500 айлық есептік көрсеткіш (АЕК)! Бұл – шамамен 1 миллион 800 мың теңге. Бір тиын да артық емес! Ал неге Қорғаныс министрлігі әскердегі көптеген зорлық-зомбылықтан болған өлімдерді "өз-өзіне қол жұмсау" деп көрсетуді жөн көреді, білесіз бе? Тіпті сарбазды қолдары скотчпен байланған күйі асылып тұрған жерінен тапқан жағдайда да (нақты оқиға), немесе "өз-өзіне қол жұмсау" деп екі рет Калашников автоматымен алты минут айырмашылықпен басына атылған (бұл да нақты жағдай) болса да, бәрібір "суицид" деп жазады. Себебі, егер өлім "өз-өзіне қол жұмсау" деп тіркелсе, мемлекет ата-анасына сол мардымсыз 1,8 миллион теңгені де төлемеуге құқылы болып қалады", – деп жазды Лұқпан Ахмедьяров.