Қазақстанда бір жылда неше мешіт салынды

АСТАНА, 12 қаңтар – Sputnik. Қазақстан мұсылмандары діни басқармасы бір жылдың ішінде салынған мешіттердің санын жариялады, деп хабарлайды Sputnik Қазақстан.

Былтыр республика бойынша 382 мешітке күрделі жөндеу жасалды. Жаңадан салынған нысандар да аз емес.

"2025 жылдың басынан бері ел аумағында 61 жаңа мешіт ашылып, қазіргі таңда 214 мешіттің құрылысы жүргізілуде, сондай-ақ 545 намазхана үздіксіз жұмыс істеп тұр", - дейді мүфтият қызметкерлері.

Жалпы, бүгінде мүфтиятқа қарайтын 2945 мешіт бар. Соның ішінде 1 республикалық, 3 мегаполистік, 17 облыстық, 472 қалалық, 164 аудандық және 2289 ауылдық мешіт халыққа қызмет көрсетеді.