Қазақстанда микробизнеске салықтық қысым азаяды: жаңа шекті сомалар енгізіліп жатыр

Сурет: Canva

Қазақстанда шағын және микробизнеске әкімшілік жүктемені азайту мақсатында салық берешегін мәжбүрлеп өндіріп алу тәсілдері қайта қаралуда. Бұл туралы Үкімет отырысында ҚР Қаржы министрі Мәди Тәкиев мәлімдеді.

Оның айтуынша, қолданылатын шаралардың өлшемділігіне және берешек сомасының аздығына байланысты кәсіпкерлерге қысым жасаудан бас тартуға баса назар аударылады.

«Қолданылатын шаралар сай болуы үшін және азғантай сома үшін микро және шағын бизнеске қысым жасамау үшін біз салық берешегін мәжбүрлеп өндіріп алу тәсілдерін айтарлықтай өзгертіп жатырмыз», — деді Мәди Такиев.

Негізгі өзгеріс – ден қою шаралары басталатын шекті соманы арттыру. Егер бұған дейін салық берешегі шамамен 26 мың теңгеден немесе 6 АЕК-тен өндіріле бастаған болса, ал әлеуметтік аударымдар бойынша нақты шегі болмаған болса, енді:

салық берешегі бойынша шектік сома 87 мың теңгеге немесе 20 АЕК-ке дейін, әлеуметтік төлемдер бойынша 26 мың теңгеге немесе 6 АЕК-ке дейін көтеріледі.

Ведомствоның мәліметінше, қазір әлеуметтік төлемдер бойынша берешек сомасының шегі болмағандықтан өндіріп алу шараларына көбінесе шағын бизнес тап болып отыр, борышкерлердің шамамен 72%-ы 6 АЕК-ке дейінгі қарыздары барлар.

Енді қабылданған шаралар түсінікті бола түсуде:

87 мың теңгеге немесе 20 АЕК-ке дейін – хабарлама жіберіледі де, тек өсімпұл есептеледі, басқа шара қолданылмайды;87 мыңнан 195 мың теңгеге дейін немесе сәйкесінше 20-дан 45 АЕК-ке дейін – хабарлама жіберіледі; өтелмеген жағдайда борыш сомасы көлемінде шығыс операциялары тоқтатылады, содан кейін ғана инкассалық өкімдер берілуі мүмкін;195 мың теңгеден немесе 45 АЕК-тен асқан жағдайда – анағұрлым қатаң шаралар қолданылады: мүліктер тізімге алынып, сатылуы мүмкін, өндіріп алу дебиторлар есебінен жүреді.

Бүгін, 11:17