Қазақстанда сыраны таңбалау жүйесі қалай іске асады

Оның айтуынша, таңбалау жүйесі бірнеше кезеңге бөлінген. Алғашқы кезеңде кегтегі және шыны бөтелкедегі сыра таңбаланады, ал 2027 жылдан бастап темір банкідегі өнімге де енгізіледі.

— Қазіргі уақытта агрегация мен өнімді айналымнан шығару процестері жоспарланған. Ал орта циклде жүзеге асатын агрегация кезеңі бір жылға, келесі жылға шегерілген. Бұл үшін кәсіпкерлер арнайы сервисте тіркеліп, бақылау-касса машиналары арқылы сату кезінде кодтарды сканерлейді. Сканерлеу барысында тауар автоматты түрде айналымнан шығарылады, — деді спикер.

Сонымен қатар сыраны есепке алу виртуалды қойма жүйесі арқылы да жүргізіле береді. Қолданыстағы талаптарға сәйкес, тауарларға ілеспе жүкқұжат (ТІЖ) рәсімдеу міндеті сақталады және сыраны қоса алғанда, жекелеген тауар топтарына қатысты ерекшелік қарастырылмаған.

Эфир барысында спикер өнімді есептен шығару да сканерлеу тәсілімен жүзеге асырылады. Бұл тәжірибе бұған дейін таңбаланған темекі өнімдеріне қолданылған. Кассада код сканерленген кезде ол жүйеде автоматты түрде айналымнан шығарылған ретінде тіркеледі деп атап өтті.

Бұған дейін 2026 жылғы 1 ақпаннан бастап Қазақстанда Сауда және интеграция министрлігінің бұйрығына сәйкес сыра қайнату өнімдерін цифрлық таңбалау кезең-кезеңімен енгізу басталатынын жазғанбыз.