Қазақстанда тәтті бұрыш пен жұмыртқа едәуір арзандады

АСТАНА, 1 шілде – Sputnik. Қазақстанда инфляция 2026 жылғы маусымда 0,8%-ды құрады, деп хабарлады ұлттық статистика бюросы.

Кейбір азық-түлік тауарларының бағасында маусымдық төмендеу байқалғанымен, бағаның айлық динамикасына қызметтердің және азық-түлік емес тауарлардың жекелеген түрлері ең көп үлес қосты.

Бір айдың ішінде жекелеген көкөністер мен тамақ өнімдері арзандады. Мысалы:

тәтті бұрыш бағасы – 12,6%;

қызылша – 7,8%;

жұмыртқа – 3,8%;

банан – 3,3%;

баялды – 1,7%;

қара шай – 1,1%;

бидай жармасы мен алма – 0,8%;

шоколад пастасы – 0,3%.

Азық-түлікке жатпайтын тауарлардың арасында бірқатар ұзақ пайдаланылатын тауарлар мен медициналық өнімдер бағасының төмендеуі байқалды. Мәселен, шаңсорғыш – 7,2%, үтік – 5,4%, медициналық бетперде – 4,1%, электр шәйнек – 2,9%, модемдер мен роутерлер – 1,5%, ноутбук – 1,2%, парацетамол – 0,8%, қолға арналған крем – 0,6% арзандады.

Ал, ақылы қызметтер арасында ыстық су тарифтері 3,7%-ға, суық су тарифтері 3,2%-ға төмендеді.