Қазақстанда үшінші ұлттық валюта пайда болды

Қазақстанда үшінші ұлттық валютаның нормативтік-құқықтық базасы бекітіліп, оны одан әрі енгізу жоспары дайындалды. Бұл туралы қаржы вице-министрі Әсет Тұрысов мәлімдеді, деп хабарлайды Tengrinews.kz.

Қазақстанда үшінші ұлттық валютаның нормативтік-құқықтық базасы бекітіліп, оны одан әрі енгізу жоспары дайындалды. Бұл туралы қаржы вице-министрі Әсет Тұрысов мәлімдеді, деп хабарлайды Tengrinews.kz.

Тұрысов үшінші ұлттық валюта ретінде цифрлық теңгені атады. Ол қолма-қол және қолма-қол ақшасыз есеп айырысулармен қатар қолданылатын болады.

"Бүгінде Мемлекет басшысы да айтып өткен цифрлық теңге еліміз үшін маңызды жоба саналады. Нормативтік-құқықтық қамтамасыз ету шаралары бекітілді. Ресми түрде цифрлық теңге Қазақстандағы үшінші ұлттық валюта болып саналады", - деді Тұрысов мемлекеттік қаржыны цифрлық трансформациялауға арналған Орталық коммуникациялар қызметіндегі брифингте.

Вице-министрдің айтуынша, өткен жылы Ұлттық банкпен бірлесіп цифрлық теңгені қолдану арқылы 20-ға жуық пилоттық жоба іске қосылған.

Тұрысовтың сөзінше, пилоттық жобалар жақсы нәтиже көрсетті. Осыған байланысты Ұлттық банк пен Үкімет цифрлық теңгені одан әрі тарату жоспарын бекітті.

Оны кезең-кезеңімен енгізу жоспарланған - бірінші кезекте бюджеттік бағдарламалардың әкімшілері мәлімдеген жобаларда, сондай-ақ Үкімет айқындаған жобаларда қолданылады.

2025 жылғы шілдеде премьер-министр Олжас Бектенов республикалық бюджеттен және Ұлттық қордан қаржыландырылатын кемінде 100 ірі жобаны цифрлық теңгеге көшіруді тапсырды. Бұл бюджет қаражатының қозғалысын қадағалауға және олардың мақсатты пайдаланылуын бақылауға мүмкіндік береді деп болжанған болатын.

2026 жылғы мамырда сарапшылар цифрлық теңгені мемлекеттік ақшаны таңбалау, ҚҚС қайтаруды жеделдету және қауіпсіз мәмілелер жасау үшін пайдалану жоспарланып отырғанын түсіндірді. Бұл ретте ықтимал тәуекелдердің қатарында төлемдер құпиялылығының төмендеуі аталды.

Google News арқылы жаңалықтарымызды қадағалаңыз