Қазақстанда жалған психологтар үшін айыппұл енгізу ұсынылды

Қазақстанда психологиялық көмек көрсету ережелерін бұзғаны үшін айыппұл енгізу жоспарланып отыр. Мұндай түзетулер бүгін мәжілісте "Психологиялық қызмет туралы" заң жобасы аясында талқыланып жатыр, деп хабарлайды Tengrinews.kz тілшісі.

Қазақстанда психологиялық көмек көрсету ережелерін бұзғаны үшін айыппұл енгізу жоспарланып отыр. Мұндай түзетулер бүгін мәжілісте "Психологиялық қызмет туралы" заң жобасы аясында талқыланып жатыр, деп хабарлайды Tengrinews.kz тілшісі.

Мәжіліс депутаты Ирина Смирнованың айтуынша, заң жобасына сәйкес, психологиялық қызметпен айналысу құқығы тек мемлекеттік тізілімге енгізілген мамандарға ғана беріледі.

Сонымен қатар оның айтуынша, психологиялық көмекті мемлекеттік тізілімге енбеген мамандар көрсеткен жағдайлар туындауы ықтимал. Депутат психологиялық қызмет көрсету нәтижесінде адам денсаулығына зиян келген жағдайда қандай жауапкершілік қарастырылғанын сұрады.

Бұған жауап ретінде мәжіліс депутаты Айна Мысырәлімова қолданыстағы заңнамада мұндай жағдайлар үшін жауапкершілік қарастырылғанын түсіндірді.

Оның сөзінше, егер денсаулыққа зиян келтіру фактісі анықталса, жауапкершілік Қылмыстық кодекске сәйкес жүктеледі. Зиянның ауырлық дережесіне байланысты, әсіресе зиян әдейі келтірілген болса, айыппұлдар мен түзеу жұмыстарынан бастап, бас бостандығынан айыруға дейінгі түрлі шаралар қолданылуы мүмкін.

Заң жобасын талқылау барысында депутаттар психологиялық көмек көрсету саласындағы заңнама талаптарын бұзғаны үшін жеке әкімшілік жауапкершілік енгізу қажет деген қорытындыға келді.

"Қазіргі уақытта біз психологиялық көмек көрсету тәртібін бұзғаны үшін айыппұл санкцияларын қарастыратын түзетулерді талқылап отырмыз. Айыппұл мөлшері әлі де қарастырылып жатыр, екінші оқылымға дейін оларды пысықтаймыз", - деп толықтырды Мысыралимова.

Следите за нашими новостями в Google News