Қазақстанда жылдық инфляция қазанда 12,6% ға дейін баяулады

АСТАНА, 3 қараша – Sputnik. 2025 жылдың қазанында жылдық инфляция қазанда 12,6%-ды көрсетіп, қыркүйекпен (12,9%) салыстырғанда баяулады, деп хабарлайды Sputnik Қазақстан Ұлттық статистика бюросына сілтеме жасап.

Қазанда айлық инфляция деңгейі 0,5%-ды құрады.

Азық-түлік тауарларының ішінде:

басты пияз – 7,7%-ға,

алма – 6,1%,

қызылша – 5,1%,

қырыққабат – 4,7%,

сәбіз – 4,4%,

қант – 2%,

жүзім – 1,1%,

лимон – 0,8% арзандады.

Сонымен қатар:

шоколад 2,3%-ға,

кофе, дайын дәмдеуіштер мен тұздықтар – әрқайсысы 1,8%-ға,

құрма 1,6%-ға,

жарма өнімдері 0,7%-ға қымбаттады.

Азық-түлік емес тауарлар арасында биылғы қазан айында отандық құрастырылған жаңа автокөліктердің бағасы 1,5%-ға төмендеді. Қолшатыр 4,2%-ға, электр жылытқыш 2,5%-ға, цемент 0,4%-ға қымбаттады. Жуу және тазалау құралдарының, жеке қолданылатын тауарлардың бағасы 1%, киім мен аяқ киім, тұрмыстық аспаптар 0,8%-ға өсті.

Тұрғын үй-коммуналдық қызметтер саласында суық су тарифі 40%-ға, тарату желілері арқылы тасымалданатын газ тарифі 10,7%-ға, электр энергиясы тарифі 2%-ға төмендеді. Қоғамдық тамақтану қызметтері 2%-ға, шаштараздар мен сұлулық салондары қызметтері 1,5%-ға, тренажер залдары 0,8%-ға қымбаттады.

"Азық-түлік ішінде жылдық мәнде күріш 8,3%-ға, өрік 5%-ға, қызанақ 1,4%-ға арзандады. Кептірілген жемістер мен жаңғақтар 2,9%-ға қымбаттады", - деп жазылған хабарламада.

Азық-түлікке жатпайтын тауарлардың ішінде кір кептіргіш 31,7%-ға, мұздатқыш 16,6%-ға, үтіктеу тақтасы 13,6%-ға арзандады. Ас үй құралдары бағасының деңгейі 7%-ға, электрбұрғы 5,9%-ға, электр шамы 5,2%-ға өсті.

2024 жылдың қазан айымен салыстырғанда аяқ киім жөндеу қызметтерінің бағасы 8,9%-ға, тұрғын үй-жайларға қызмет көрсету және жөндеу бойынша қызметтердің бағасы 7,8%-ға өсті. Бассейн қызметтері 10%-ға, тренажер залдары 8,8%-ға қымбаттады.