Қазақстандағы мешіттер ЮНЕСКО ның Дүниежүзілік мұралар тізіміне енгізілді

АСТАНА, 25 шілде – Sputnik. Маңғыстаудың жартасты мешіттері ЮНЕСКО-ның Дүниежүзілік мұралар тізіміне енгізілді. Бүгін Корея Республикасының Пусан қаласында өтіп жатқан Дүниежүзілік мұралар комитетінің 48-ші сессиясында осындай оң шешім қабылданды, деп хабарлайды Sputnik Қазақстан.

Маңғыстау облысындағы жерасты мешіттерге Бекет ата, Шопан ата, Қараман ата, Шақпақ ата мен Сұлтан Үпі мешіті кіреді.

"Бұл – Қазақстан тарихындағы айтулы оқиға. Өйткені, төл мәдени мұрамыз ЮНЕСКО-ның беделді тізіміне соңғы рет 22 жыл бұрын, яғни 2004 жылы қосылған болатын (2003 жылы – Қожа Ахмет Ясауи кесенесі, 2004 жылы – Таңбалы петроглифтері). Кейінгі жылдары ғана президенттің бастамасымен бұл бағыттағы жұмыс қайта жанданып, жаңа деңгейге көтерілді", - дейді президент әкімшілігі басшысының бірінші орынбасары Ерлан Қарин.

© Photo : Қазақстанның мәдениет және ақпарат министрлігі

1/4

© Photo : Қазақстанның мәдениет және ақпарат министрлігі

© Photo : Қазақстанның мәдениет және ақпарат министрлігі

2/4

© Photo : Қазақстанның мәдениет және ақпарат министрлігі

© Photo : Қазақстанның мәдениет және ақпарат министрлігі

3/4

© Photo : Қазақстанның мәдениет және ақпарат министрлігі

© Photo : Қазақстанның мәдениет және ақпарат министрлігі

4/4

© Photo : Қазақстанның мәдениет және ақпарат министрлігі

1/4

© Photo : Қазақстанның мәдениет және ақпарат министрлігі

2/4

© Photo : Қазақстанның мәдениет және ақпарат министрлігі

3/4

© Photo : Қазақстанның мәдениет және ақпарат министрлігі

4/4

© Photo : Қазақстанның мәдениет және ақпарат министрлігі

Оның айтуынша, Маңғыстаудың жартасты мешіттері тек құлшылық жасайтын мекен ғана емес, өз заманында білім мен ағартудың өзіндік орталықтары да болды.

"Бұл жартастарда халқымыздың тарихи жады, ата-бабаларымыздың аманаты сақталған. Осылайша, ЮНЕСКО аталған нысандарды көпғасырлық рухани, мәдени, архитектуралық дәстүрлердің озық үлгісі ретінде мойындады", - деді Қарин.

Алдағы уақытта таза ағаштан салынған Жаркент мешіті мен Алматыдағы Вознесенск кафедралды шіркеуін, Қаратау петроглифтерін, сондай-ақ, хәкім Абайдың "Қара сөздерін" ЮНЕСКО тізімдеріне енгізу жоспарланып отыр.