Қазақстандағы тұрғын үй бағасы тұралап қалды жылжымайтын мүлік қай жерде ең арзан

Ұлттық статистика бюросының (ҰСБ) мәліметінше, маусым айында еліміздегі баспана бағасы айтарлықтай өскен жоқ. Сәл ғана қымбаттау байқалғанымен, ол екі пайыздан аспайды. Оның өзі тек бір қалада тіркелген. Тұрғын үйді жалға алу нарығында да жағдай осыған ұқсас. Қазіргі уақытта үш ірі мегаполис - Астана, Алматы және Шымкентте жылжымайтын мүлік құны қалай құбылып жатыр, "шаршы метр" бағасының төмендеуі бойынша қай қала көш бастап тұр, баспана қай жерде ең қымбат және қай жерде арзан екені туралы толығырақ TengriHome материалдан оқыңыз.

Поделиться

Бір ай ішінде жылжымайтын мүлік нарығындағы баға қалай өзгерді? Жаңа салынған үйлердегі пәтер бағасы негізінен "тұралап қалды"

Мамыр айымен салыстырғанда, 2026 жылдың маусымында еліміз бойынша жаңа үйлердегі пәтерлер орта есеппен 0,7 пайызға қымбаттады. Бағаның ең көп өсімі мына қалаларда байқалды:

Көкшетауда - 2,2 пайыз; Түркістанда - 1,8 пайыз; Атырауда - 1,6 пайыз.

Әдетте баспана бағасы қарқынды өсетін мегаполистерде айтарлықтай өзгеріс бола қойған жоқ:

Астанада "шаршы метр" небәрі 0,6 пайызға артты; Алматыда - 1,1 пайызға; Шымкентте - өзгеріссіз.

Ал кейбір қалаларда "бастапқы нарықтағы" баспана арзандады:

Қонаевта - 3,7 пайызға; Өскеменде - 1,8 пайызға.

Көптеген қалаларда - Ақтөбе, Жезқазған, Қарағанды, Қызылорда, Орал, Семей, Петропавл, Тараз, Шымкентте - баға бұрынғы деңгейінде "қатып қалды".

Қайталама нарықтағы пәтерлердің құны да өзгеріссіз қалды

Республика бойынша бағаның өсімі 0,6 пайыз деңгейінде болды. Жекелеген қалалардағы айтарлықтай көрсеткіштерге тоқталсақ:

Қарағандыда "қайталама нарықтағы" үйлер 2,2 пайызға қымбаттады; Көкшетауда - 2,3 пайызға; Ақтауда - 1,6 пайызға.

Бағаның төмендеуі бойынша көш бастап тұрғандар:

Орал - 1,9 пайыз; Қонаев - 1,6 пайыз; Ақтөбе - 1,5 пайыз. Тұрғын үйді жалға алу бағасы іс жүзінде өзгермейді

Бұл сегментте баға небәрі 0,4 пайызға өсті.

Пәтер жалдау Семейде ең қымбат болып тұр, мұнда құн 2,7 пайызға артты; Қонаевта - 2,4 пайызға; Ақтауда - 1,5 пайызға.

Тұрғын үйді жалдау бұрынғыдан арзанырақ түсетін қалалар да бар. Мысалы, Қызылордада баға 1,3 пайызға, Көкшетауда - 1,1 пайызға, Шымкентте - бір пайызға төмендеді.

Жаңа үй, "қайталама нарық" және жалдамалы баспана: қай жерде ең қымбат және ең арзан Ең жоғары бағалар

"Бастапқы нарық". Қазақстан бойынша "шаршы метрдің" орташа құнына келсек, ол - 617 555 теңге. Ең жоғары көрсеткіш Астанада - 739 033 теңге, одан кейін Алматы - 725 995 теңге, үшінші орында Атырау тұр - 546 419 теңге.

"Қайталама нарық". Республика бойынша орташа баға - бір шаршы метр үшін 629 667 теңге. Бұрын пайдаланылған пәтерлер үшін ең көп қаражат Алматыда - 749 592 теңге, Астанада - 727 363 теңге және Атырауда - 506 464 теңге жұмсалады.

Жалға алу. Қазақстанда баспана жалдаудың бір шаршы метрі 5 062 теңге тұрады. Бұл бағытта ең жоғары баға Алматыда - 5 879 теңге, Астанада - 5 646 теңге және Қарағандыда - 4 971 теңге.

Ең тиімді ұсыныстар

Жаңа баспана. Пәтер сатып алуға ең аз шығынды Орал қаласында жоспарлауға болады, мұнда бір шаршы метр 327 013 теңге тұрады. Ақтөбеде - 356 454 теңге, Қызылордада - 392 323 теңге.

Қайта сатылатын жылжымайтын мүлік. Пәтерді ең үнемді бағаға Астанадан сатып алуға болады - бір шаршы метрі 342 768 теңге. Таразда - 351 696 теңге, Ақтауда - 360 280 теңге.

Жалға алу. Ең қолайлы баға Таразда - 2 515 теңге. Түркістанда - 2 766 теңге, Қостанайда бір шаршы метр үшін 3 218 теңге.

Бір жыл ішінде пәтерлер қалай қымбаттады?

2025 жылдың маусымына қарай жаңа баспана құны 14 пайызға өсті. Ең елеулі өсім мына қалаларда тіркелді:

Астана - 19,4 пайыз; Ақтөбе - 18,4 пайыз; Алматы - 14,4 пайыз.

Қайта сатылатын жылжымайтын мүлік бір жыл ішінде 10,4 пайызға қымбаттады. Бұл үрдіс әсіресе Көкшетау (14,4 пайыз), Талдықорған (13,3 пайыз) және Астана (13,2 пайыз) нарықтарында белсенді жүрді.

Еліміз бойынша пәтер жалдау құны 13,4 пайызға өсті. Бұл көрсеткіш бойынша үздік үштікке мына қалалар енді:

Көкшетау - 14,3 пайызға өсті; Талдықорған - 13,3 пайыз; Астана - 13,2 пайыз.

Тағы оқыңыз:

Тұрғын үйді сатып алу-сату шартын нотариуста жасау міндетті емес. Нені білу керек?

Қарағандыда сатып алу құқығымен 250 жалдамалы пәтерге өтінім қабылдау басталды

Google News арқылы жаңалықтарымызды қадағалаңыз

Жазылу

Қазақстан баспана пәтер Баға қымбаттау арзандау