Қазақстандағы үш күндік рейд: мыңдаған жасөспірім полицияға жеткізілді

Қазақстан Республикасы Ішкі істер министрлігінің мәліметінше, 2026 жылғы 1-3 шілде аралығында Алматы және Шымкент қалаларында, сондай-ақ Алматы, Жамбыл, Маңғыстау, Павлодар, Солтүстік Қазақстан, Қызылорда облыстарында, Абай және Ұлытау облыстарында ауқымды профилактикалық іс-шаралар өтті.

Шаралардың негізгі мақсаты – кәмелетке толмағандар арасындағы құқық бұзушылықтың алдын алу және балалардың қауіпсіздігін қамтамасыз ету.

Рейдтерге шамамен 3 мың полиция қызметкері жұмылдырылды.

Нәтижесінде полиция бөлімшелеріне 2400-ден астам кәмелетке толмаған жеткізілді. Оның ішінде:

1 500-ден астамы – әкімшілік құқық бұзушылық жасағаны үшін;1 000-ы – қараусыз және қадағалаусыз жүргені үшін.

Сонымен қатар іс-шаралар барысында 4 мыңға жуық әкімшілік құқық бұзушылық анықталды. Атап айтқанда:

257 ата-ана балаларын тәрбиелеу жөніндегі міндеттерін тиісінше орындамағаны үшін әкімшілік жауапкершілікке тартылды;1500-ге жуық ата-ана кәмелетке толмағандардың түнгі уақытта көшеде немесе ойын-сауық орындарында жүргені үшін жауапкершілікке тартылды.

Осыған байланысты Ішкі істер министрлігі ата-аналарға үндеу жасады.

"Құрметті ата-аналар! Балалардың қауіпсіздігі – ең алдымен отбасының жауапкершілігі. Жазғы демалыс кезінде балаларыңыздың немен айналысып жүргеніне ерекше көңіл бөліп, олардың қайда екенін, кімдермен араласатынын және бос уақытын қалай өткізетінін бақылауда ұстауларыңызды сұраймыз", – делінген ҚР ІІМ баспасөз қызметінің хабарламасында.