Қазақстанды жаңбырдың жаңа толқыны басады

"Қазгидромет" синоптиктері 17, 18 және 19 қыркүйекке арналған ауа райы болжамын ұсынды, деп хабарлайды Tengrinews.kz тілшісі.

Болжам бойынша, алдағы күндері Қазақстанда ауа райы қайтадан өзгереді. Күн суытып, жауын-шашын тоқтағаннан кейін ел аумағына жаңа циклон әсер ете бастайды, ол өзімен бірге жаңбыр, найзағай және екпінді жел әкеледі.

Бұл ретте оңтүстік өңірлер жылы ауа массаларының ықпалында қалатындықтан, онда негізінен жауын-шашынсыз әрі жылы ауа райы сақталады.

Болжамға сәйкес, алдағы күндері температураның төмендеуі мен жауын-шашынның тоқтауына себеп болған антициклон шегіне бастайды. Оның орнын циклон басады. Ол алдымен Қазақстанның батыс өңірлеріне найзағай ойнап, екпінді жел соғатын жаңбыр әкеледі, кейіннен қолайсыз ауа райы елдің солтүстігіне ауысады.

Осылайша, бірқатар өңірдегі салыстырмалы түрде құрғақ ауа райынан кейін қайтадан жауын-шашынды және қатты жел соғатын кезең күтіледі.

Қазақстанның оңтүстік бөлігінде ауа райы өзгеше болады. Өзбекстан аумағынан келетін жылы ауа массалары бұл аймақта жоғары температураны сақтап тұрады.

Бізді Google-дың негізгі дереккөздер тізіміне қосыңыз