Қазақстанды нөсер жаңбыр басады, бірақ +48 ге дейінгі аптап ыстық қайтпайды

"Қазгидромет" синоптиктері 18, 19 және 20 шілдеге арналған ауа райы болжамын ұсынды. Қазақстанның кей өңірлерінде нөсер жауса, енді бір аймақтарда +48 градусқа дейін аптап сақталады, деп хабарлайды Tengrinews.kz.

Қазақстанның бір бөлігінде жаңбыр жауады

Синоптиктердің мәліметінше, солтүстік-батыс циклонның және онымен байланысты атмосфералық фронттардың өтуіне байланысты елдің басым бөлігінде ауа райы құбылмалы болады. Көптеген аймақта найзағай ойнап, жаңбыр жауады, кей жерлерде бұршақ жауып, дауыл тұрып, жел күшеюі мүмкін. Елдің оңтүстігінде шаңды дауыл болады деп болжанған.

Қатты жаңбыр күтілетін аймақтар:

18 шілдеде - Қостанай облысының кей жерлерінде; 19–20 шілдеде - Солтүстік Қазақстан және Ақмола облыстарында; 20 шілдеде күндіз - Батыс Қазақстан және Ақтөбе облыстарында.

Сонымен қатар елдің оңтүстігі мен оңтүстік-шығысында, 18 шілдеде орталық өңірлерде жауын-шашынсыз ашық ауа райы сақталады.

Қай өңірлерде салқындайды

Жаңбырдың жаууына байланысты Қазақстанның солтүстік-батысы мен солтүстігінде ауа температурасы төмендейді. Күндіз термометр бағандары +21...+29 градус аралығын.

Аптап ыстық қай өңірлерде сақталады

Сол уақытта елдің шығысы мен орталығының басым бөлігінде Орта Азия аймақтарынан келетін ыстық ауа массаларының әсері сақталады.

"Қазгидромет" болжамы бойынша күндіз мынадай температура күтіледі:

шығыс және орталық өңірлердің басым бөлігінде +35…+39 градусқа дейін; орталық және шығыс облыстардың оңтүстігінде +42 градусқа дейін; оңтүстік-батыста +44 градусқа дейін; елдің оңтүстігі мен оңтүстік-шығысында +45…+48 градусқа дейін.

Google News арқылы жаңалықтарымызды қадағалаңыз

Жазылу