Қазақстандықтар скринингтен тегін өте алады

Енді МӘМС-тегі мәртебеге қарамастан қазақстандықтар скринингтен тегін өтеді.

Осылайша, азаматтар қатерлі ісік, артериялық гипер-тензияны, жүрек ауруы, глаукома мен қант диабетін ерте анықтауға мүмкіндік алады. Биыл медициналық қызметтің бірыңғай пакеті іске қосылды. Ол МӘМС жүйесін өзгертіп, қандай қызметтердің тегін болатынын, ал қай қызмет тек сақтандырылған азаматтарға қолжетімді екенін айқындап береді. Сондай-ақ 11 әлеуметтік маңызы бар ауруға, соның ішінде туберкулезге, вирустық гепатит, онкология мен инсультқа және психикалық бұзылыстарға күдік туған жағдайда диагностика жасау қолжетімді болады. Мұндай жаңашылдықтар медицинаның ашықтығын арттырып, профилактиканы дамытуға және денсаулық сақтаудың толыққанды сақтандыру моделіне көшуге бағытталған, - дейді мамандар.