Қазақстандықтар бір күн бойы онкологке жолдамасыз тегін қарала алады

Іс-шара онкологиялық сырқаттанушылық пен өлімді төмендету, сондай-ақ халыққа мамандандырылған медициналық көмектің қолжетімділігін арттыру жөніндегі мемлекеттік саясатты іске асыру шеңберінде ұйымдастырылып отыр.

Бұл күні жетекші онколог дәрігерлер азаматтарды учаскелік дәрігердің жолдамасынсыз және алдын ала жазылусыз тегін қабылдайды.

Негізгі назар келесі ауруларды ерте анықтауға аударылады:

• жатыр мойны обыры;
• колоректалдық обыр;
• бүйректің қатерлі ісіктері.

Ашық есік күні шеңберінде:

• онкологиялық аурулардың профилактикасы және ерте диагностикасы бойынша консультациялар беріледі;
• алғашқы белгілер түсіндіріледі;
• диагностика мен емдеудің заманауи әдістері туралы ақпарат ұсынылады.

Қабылдау 09:00–ден 13:00–ге дейін дейін жүргізіледі.

Өзіңізбен бірге келесі құжаттарды алып келу қажет:

• жеке куәлік;
• бар болған жағдайда — бұрын жүргізілген тексерулердің нәтижелері (УДЗ, КТ, МРТ, медициналық қорытындылар).

— Іс-шараның мақсаты — қатерлі ісіктерді ерте кезеңде анықтау, өйткені дәл осы кезеңде емдеу ең тиімді болып, өмір сапасын жоғары деңгейде сақтауға мүмкіндік береді. Денсаулық сақтау министрлігі азаматтарды өз денсаулығына мұқият қарауға, алаңдататын белгілерді елемеуге және дер кезінде дәрігерге қаралуға шақырады. Анықтама үшін байланыс: +7 777 297 52 45, — делінген хабарламада.

Бұдан бұрын Қазақстанда онкологиялық аурудың алдын алуға арналған қоспа әзірленіп жатқаны белгілі болды.