Школьник высмеял опоздавшего на урок одноклассника: суд наказал его отца

Жамбыл облысында аудандық сот жергілікті тұрғынға ескерту жасады. Бұған оның кәмелетке толмаған ұлының мінез-құлқы себеп болған, деп хабарлайды Tengri Education.

Оқиға қыркүйекте Жуалы ауданындағы мектептердің бірінде болған. 8-сынып оқушысы сабаққа кешігіп келген. Сыныптасы оны "қой бағатын шопан" деп атап, мал соңында жүргендіктен кешігіп қалды деп, кемсітетіндей етіп мазақтай бастаған.

Аудандық әкімшілік жанындағы Кәмелетке толмағандардың істері және олардың құқықтарын қорғау жөніндегі комиссия буллинг фактісін растап, оқушының ата-анасын жауапқа тарту туралы шешім қабылдаған.

Сотта баланың әкесі өз кінәсін мойындап, болашақта ұлының тарапынан мұндай әрекеттерге жол бермейтініне уәде берді. Оның кінәсі қатысушы тараптардың жауаптары, сондай-ақ жергілікті полиция қызметкері жасаған ресми баяндама мен түсініктеме арқылы да дәлелденді. Сот іс бойынша жауапкершілікті ауырлататын немесе жеңілдететін мән-жайларды анықтаған жоқ.

Әкімшілік құқық бұзушылық туралы кодекстің 127-2-бабының 3-бөлігі ("Кәмелетке толмаған адамға қатысты қудалау (буллинг, кибербуллинг)") бойынша санкция ата-аналарға немесе олардың заңды өкілдеріне ескерту жасауды не 10 АЕК мөлшерінде (2026 жылы - 43 250 теңге) айыппұл салуды көздейді. Сот әкені кінәлі деп танып, оған әкімшілік ескерту жасады. Сот шешімі заңды күшіне енді.

“Жұрттың баласын“ қалай тәрбиелеуге болады: министр қазақстандық ата-аналарға кеңес берді

Бізді Google-дың негізгі дереккөздер тізіміне қосыңыз