В Алматы станет ещё теплее, а Астану накроют дожди

Алматыда күн біртіндеп жылынады: 9 қарашада, дүйсенбіде ауа температурасы +22 градусқа дейін көтеріледі. Ал Астанада алдағы үш күнде жаңбыр жауып, кей жерлерде желдің екпіні секундына 20 метрге дейін жетеді, деп хабарлайды Tengrinews.kz Қазгидрометке сілтеме жасап.

Алматыда ауа температурасы +22 градусқа дейін көтеріледі

Алматыда үш күн бойы күн құбылмалы болады, жауын-шашын жаумайды.

Сенбі, 7 қарашаға қараған түні ауа температурасы +3...+5 градус, күндіз +16...+18 градус болады. Түнде және таңертең тұман түсуі мүмкін.

8 қарашада Алматыда ауа температурасы +18...+20 градусқа дейін көтеріледі. Түнде +5...+7 градус болады.

Дүйсенбі, 9 қарашада күн одан әрі жылынады. Түнде +10...+12 градус, күндіз +20...+22 градус болады.

Елордада демалыс күндері және келесі аптаның басында жаңбыр жауады. 7 қарашаға қараған түні және күннің бірінші жартысында, 8 қарашада кешке, сондай-ақ, 9 қарашада ауық-ауық жауын-шашын болжанып отыр.

Сенбі, 7 қарашаға қараған түні ауа температурасы +3...+5 градус, күндіз +7...+9 градус болады.

8 қарашаға қараған түні ауа температурасы -3...-5 градусқа дейін төмендейді. Күндіз +7...+9 градусқа дейін жылынады.

Дүйсенбі, 9 қарашада түнде +4...+6 градус, күндіз +9...+11 градус болады. Жел бағытын өзгертіп, екпіні секундына 15-20 метрге дейін жетуі мүмкін.

Бұған дейін синоптиктер алдағы үш күнде Қазақстанда ауа райы күрт өзгеретінін хабарлаған еді. Елдің оңтүстігінде ауа температурасы +27 градусқа дейін көтерілгенімен, республиканың басым бөлігінде жаңбыр, қар жауады. Кей өңірлерде қатты жауын-шашын жауып, тұман түсіп, көктайғақ болып, жел күшейеді. Толық болжамды мына жерден оқи аласыздар.

Бізді Google-дың негізгі дереккөздер тізіміне қосыңыз