Дорожные сборы в Казахстане пересмотрят: кого коснутся изменения

Қазақстанда автомобиль жолдарындағы ақы алу жүйесіне енгізілуі мүмкін өзгерістер талқыланып жатыр. Негізгі назарды коммерциялық жүк көлігіне аудару ұсынылған. Бұл ретте жеке жеңіл автомобиль иелері үшін жол жүру шарттарын өзгерту жоспарланбаған, деп хабарлайды Tengri Auto Үкіметтің баспасөз қызметіне сілтеме жасап.

Өзгерістер кімдерге қатысты болуы мүмкін?

Үкіметте премьер-министрдің орынбасары – ұлттық экономика министрі Серік Жұманғариннің төрағалығымен автомобиль жолдарының ақылы болуы мәселелері жөніндегі жұмыс тобының алғашқы отырысы өтті.

Қатысушылар қолданыстағы жол алымдары жүйесін жетілдіру жөніндегі ұсыныстарды қарастырды. Атап айтқанда, қазақстандық және шетелдік тасымалдаушыларды қоса алғанда, коммерциялық жүк көлігінің жол жүру ақысын төлеудің ықтимал тәсілдері талқыланды.

Үкімет ұсынылып отырған шаралар азаматтардың жеке жеңіл көлігі үшін жол жүру шарттарын өзгертуді қарастырмайтынын атап өтті.

Отырыста жүк тасымалының ашықтығына және жол алымдарын төлеу жөніндегі талаптардың сақталуына ерекше назар аударылды. Атап айтқанда, жүк көлігі қозғалысын, соның ішінде автомобиль жолдарының ақылы учаскелерінде мониторингтеу үшін цифрлық құралдарды пайдалану аясын кеңейту ұсынылды.

Жиын қорытындысы бойынша Серік Жұманғарин мемлекеттік органдармен, салалық қауымдастықтармен және бизнес өкілдерімен бірлесіп, ұсыныстарды пысықтауды жалғастыруды тапсырды.

Жаңа тәсілдерді әзірлеу кезінде тасымалдаушылар мен бизнестің мүдделерін ескеру, сондай-ақ жол инфрақұрылымын күтіп ұстауға жұмсалатын шығындардың әділ бөлінісін қамтамасыз ету тапсырылды.

Жұмыс тобы негізгі ұсыныстарды қараша соңына дейін дайындауы тиіс. Олар келесі отырыстың қарауына ұсынылады.

Тағы оқыңыз: Қазақстанда ақылы жолдармен кімдер тегін жүре алады және жеңілдікті қалай алуға болады?

Бізді Google-дың негізгі дереккөздер тізіміне қосыңыз