Қазақстандықтар зейнетақы шоттарын жаппай тексеруде: БЖЗҚ деректері

Бірыңғай жинақтаушы зейнетақы қорында (БЖЗҚ) қазақстандықтар арасында жоғары сұранысқа ие қызмет - шоттың жай-күйі туралы үзінді көшірме алу болып отыр. 2026 жылғы қаңтар-тамыз аралығында қор салымшыларға 25 миллион үзінді көшірме берілді, деп хабарлайды Tengrinews.kz БЖЗҚ баспасөз қызметіне сілтеме жасап.

2026 жылдың басынан бері Бірыңғай жинақтаушы зейнетақы қоры қазақстандықтарға 36,2 миллионнан астам қызмет көрсетті. Азаматтардың басым көпшілігі мәселелерді онлайн шешуді жөн көреді: электрондық, автоматты және қашықтан көрсетілетін қызметтердің үлесі 98,6 пайызға жетті.

Ағымдағы жылдың 8 айында БЖЗҚ салымшыларға жеке, шартты және нысаналы жинақтау шоттарынан 25 миллион үзінді көшірме берді. Оның ішінде 22,4 миллион құжат жеке кабинеттер арқылы электрондық форматта, ал 2,3 миллионы автоматты режимде жасақталған.

Қор өкілдері дәстүрлі қағаз пошта арқылы жыл сайынғы үзінді көшірмелерді тарату 2025 жылдан бастап тоқтатылғанын еске салды. Бұл ретте құжатты қағаз түрінде алу мүмкіндігі әлі де бар, ол үшін арнайы сұраныс жолдау қажет.

Жинақтарды 24/7 режимінде бірнеше тәсілмен тексеруге болады:

БЖЗҚ мобильді қосымшасында және сайтында; eGov.kz порталында және eGov Mobile қосымшасында.

"БЖЗҚ шоттың жай-күйіне қатысты ақпаратты жеке кабинет арқылы алу – зейнетақы жинақтарын қадағалаудың ең ыңғайлы, сенімді және жедел тәсілі екенін еске салады", - деп атап өтті қор.

Сайттағы жеке кабинет пен мобильді қосымшада үзінді көшірме алудан бөлек, қор салымшылары келесідей қызметтерді пайдалана алады:

жеке деректемелерге өзгерістер мен толықтырулар енгізу; шоттардың бар екені туралы анықтама алу; 1 немесе 2-топ мүгедектігінің мерзімсіз белгіленуіне байланысты немесе ерікті зейнетақы жарналары есебінен елу жасқа толуына байланысты зейнетақы төлемдерін тағайындауға өтініш беру; төлемге берілген өтініштің мәртебесін қадағалау, зейнетақы жинақтарының бір бөлігін инвестициялық портфельді басқарушыға аудару; зейнетақы калькуляторының көмегімен болашақ зейнетақыны болжамды есептеу және басқа да қызметтер.

Бұған дейін БЖЗҚ қазақстандықтардың зейнетақы қаражаты қайда салынып жатқанын айтқан болатын.

ҚАЗІР ТАЛҚЫЛАНЫП ЖАТЫР

Қазақстан құрамасының Азиададағы алтыны спортшының аяқ киім моделіне байланысты жойылды

Бүгін 07:58 1

Некені онлайн бұзуға болады. Қазақстанда ажырасу “жаңа нормаға“ айналып бара ма?

18 тамыз 13:06 2

Тағы оқыңыз: Еңбек министрлігі 2027 жылғы зейнетақы мөлшерін жариялады: қазақстандықтар қанша алады?

Бізді Google-дың негізгі дереккөздер тізіміне қосыңыз

Қосу