Қазақстандықтарға несие бойынша көмек ұсыныла бастады нені білу маңызды

Жақында Қазақстанда бірнеше банкте немесе микроқаржы ұйымында мерзімі өткен берешегі бар азаматтарға көмектесуге бағытталған жаңа цифрлық платформа іске қосылды. Қазірдің өзінде 5 мыңнан аса борышкер берешекті ұжымдық реттеуге өтінім берген, - деп хабарлайды Tengrinews.kz Fingramota.kz-ке сілтеме жасап.

Осыған байланысты өтінім беруге көмектесетін, рәсімдеу процесін сүйемелдеуді ұсынатын, тіпті өтінімнің тезірек қаралатынына немесе міндетті түрде мақұлданатынына уәде беретін делдалдар пайда болды.

"Есіңізде болсын: өтініш finkelisim.kz ресми сайты арқылы беріледі, ал делдалдар кредиторлардың шешіміне немесе реттеу шарттарына әсер ете алмайды. Құжаттарды, растау кодтарын және жеке кабинетке кіру мәліметтерін үшінші тұлғаларға бермеңіздер", - деп ескертілді қазақстандықтарға.

Еске салайық: платформаны Қаржы нарығын реттеу және дамыту агенттігі Бірінші кредиттік бюромен бірлесіп, банк және микроқаржы омбудсмендерінің негізінде әзірлеген. Ол борышкерлерге әрбір қаржы ұйымына жеке-жеке жүгінбей, барлығына ортақ бір ғана өтініш беруге мүмкіндік береді, соның негізінде 5 жылға дейінгі мерзімге ортақ төлем кестесі (ал халықтың әлеуметтік жағынан осал топтары үшін — 7 жылға дейін) кесте жасалады. Келісімшарт қолданыста болған уақытта берешекті өндіріп алу тоқтатыла тұрады. Өтінішті қалай беруге болатыны туралы мына жерден оқыңыз.

Google News арқылы жаңалықтарымызды қадағалаңыз

Жазылу