Қазақстанға келген жаңа Boeing 737 MAX 8 ұшақтары алғашқы рейсін орындады

Жақында SCAT әуекомпаниясы флотын толықтырған екі жаңа Boeing 737 MAX 8 әуе кемесі Шымкент – Астана – Шымкент бағыты бойынша алғашқы тұрақты рейстерін орындауды бастады.

Отандық әуе компаниясының паркіне бірден екі жаңа ұшақ қосылуы Қазақстанның авиация саласы үшін маңызды оқиға болып саналады және қазақстандық авиация нарығының белсенді дамуының тағы бір дәлелі болды.

2026 жылдың соңына дейін қазақстандық әуе компанияларының әуе кемелері паркін 118 ұшаққа дейін ұлғайту жоспарлануда.

ҚР Көлік министрлігі әуе тасымалдарының қолжетімділігін арттыру, маршруттық желіні кеңейту және отандық авиация нарығының бәсекеге қабілеттілігін нығайту мақсатында, сондай-ақ ұшу қауіпсіздігі мен жолаушыларға қызмет көрсету сапасын қамтамасыз ету үшін әуе кемелері паркін кеңейту бойынша жүйелі жұмыс жүргізіп келеді.