Қазақстанға қар мен 35 градустық ыстық қайта оралады

"Қазгидромет" синоптиктері 23, 24 және 25 мамырға арналған ауа райы болжамын ұсынды, деп хабарлайды Tengrinews.kz.

"Қазгидромет" синоптиктері 23, 24 және 25 мамырға арналған ауа райы болжамын ұсынды, деп хабарлайды Tengrinews.kz.

Қазақстанда ауа райы күрт өзгереді

Болжам бойынша, алдағы күндері атмосфералық фронтальды бөліктердің өтуіне байланысты Қазақстанның солтүстігінде, оңтүстігінде және оңтүстік-батысында ауа райы құбылмалы болады. Атап айтқанда, жаңбыр жауып, күн күркірейді деп күтіледі, ал елдің шығысында түнде жауын-шашын (жаңбыр, қар) сақталады.

"23 мамырда Түркістан, Алматы және Жамбыл облыстарында нөсер жауып, бұршақ жаууы және екпінді жел соғуы мүмкін, 24-25 мамырда түнде оңтүстік-шығыстың таулы аймақтарында жаңбырдың арты қарға ұласуы ықтимал", - деп хабарлады метеорологтар.

Елдің қалған аумағында ауа райы негізінен жауын-шашынсыз болады. Республика бойынша жел күшейіп, оңтүстікте шаңды дауыл тұрады, түнде және таңертең тұман түседі деп болжанды.

Температура көрсеткіштері қандай болмақ?

Түнде Қазақстанның солтүстік-шығысында, шығысында және орталығында 1-3 градус үсік жүреді.

Ел бойынша ауа температурасының біртіндеп көтерілуі күтіледі:

күндіз батыста 28-35 градусқа дейін жылиды, солтүстікте, орталықта 20-32 градусқа дейін жылиды, шығыста 17-25 градусқа дейін жылиды, оңтүстікте 22-35 градусқа дейін жылиды, оңтүстік-шығыста 20-28 градусқа дейін жылиды. Қазақстанда 2026 жылдың жазы қандай болады?

Бұған дейін синоптиктер Қазақстандағы 2026 жылғы жазға арналған консультативтік ауа райы болжамын ұсынған болатын. Олардың мәліметінше, аптап ыстық кезеңдермен қатар өткінші жаңбыр жауып, найзағай ойнайды, бұршақ жауып, екпінді жел соғады деп күтілуде. Толығырақ осы жерден оқыңыз.