Қазақстанның болашақ атом электр станцияларына отынды кім жеткізеді

АСТАНА, 30 қараша – Sputnik. Қазақстанда салынатын атом электр станцияларына ядролық отын жеткізуші болуға "Қазатомөнеркәсіп" дайын. Бұл туралы компанияның басқарма төрағасы Мейіржан Юсупов мәлімдеді.

"Әрине, біз бұл станциялар үшін табиғи ядролық отынның басты жеткізушісі боламыз деп есептейміз. Үлбі металлургия зауытында жылу бөлетін құрастырмалар шығарып жатырмыз. Қазіргі уақытта оларды Қытайға жібереміз және осы өнімдерді өндіру үшін ресейлік серіктестерімізбен бірлесіп жұмыс істейміз", – деді Юсупов.

Оның айтуынша, өндіріс болашақ қазақстандық реакторлардың дизайнына бейімделеді.

"Жылу бөлетін қондырғылар зауыты атом электр станциясының құрылысына қарағанда тезірек салынып жатыр. Сондықтан Қазақстанда АЭС пайдалануға берілген кезде, біз дайын ядролық отын өндіретін толыққанды базаға ие боламыз деп ойлаймын", – деді ол.