Қазақстанның жаңа Парламенті Құрылтайға сайлау күні белгілі болды

Қазақстанның жаңа бір палаталы Парламенті – Құрылтайға сайлау 23 тамызға белгіленді. Тиісті жарлыққа бүгін Қазақстан Президенті Қасым-Жомарт Тоқаев қол қойды, деп хабарлайды Tengrinews.kz тілшісі Ақорда хабарламасына сілтеме жасап.

Қазақстанның жаңа бір палаталы Парламенті – Құрылтайға сайлау 23 тамызға белгіленді. Тиісті жарлыққа бүгін Қазақстан Президенті Қасым-Жомарт Тоқаев қол қойды, деп хабарлайды Tengrinews.kz тілшісі Ақорда хабарламасына сілтеме жасап.

"Қазақстан Республикасы Конституциясының 46-бабының 3) тармақшасына және 95-бабының 1-тармағына сәйкес ҚАУЛЫ ЕТЕМІН:

1. Қазақстан Республикасы Құрылтайының депутаттарын сайлау 2026 жылғы 23 тамызға тағайындалсын.

2. Қазақстан Республикасының Орталық сайлау комиссиясы Қазақстан Республикасы Құрылтайының депутаттарын сайлауға дайындықты және оны өткізуді ұйымдастырсын.

3. Қазақстан Республикасының Үкіметі, астананың, облыстардың, республикалық маңызы бар қалалардың әкімдері Қазақстан Республикасы Құрылтайының депутаттарын сайлауды ұйымдастырушылық, материалдық -техникалық және қаржылық қамтамасыз ету жөніндегі барлық қажетті шараларды кідіріссіз қабылдасын.

4. Осы Жарлық жарияланған күнінен бастап қолданысқа енгізіледі", - делінген жарлық мәтінінде.

2026 жылғы 1 шілдеден бастап Қазақстанда 15 наурыздағы республикалық референдумда қабылданған жаңа Конституция ресми түрде күшіне енді. Соған сәйкес бүгіннен бастап Парламенттің екі палатасы – Мәжіліс пен Сенаттың өкілеттігі тоқтатылды.

Бұған дейін хабарланғандай, Президент бір ай ішінде жаңа бір палаталы Парламент – Құрылтайға сайлау күнін жариялауы тиіс. Ал сайлау екі айдың ішінде өткізілуі қажет.

Жаңа Конституция енгізген өзге де өзгерістер туралы материалдан оқыңыз.

Парламенттік реформа туралы Президент 2025 жылғы қыркүйекте Қазақстан халқына жолдауында айтқан болатын. Сол кезде Парламент бір палаталы жүйеге көшетіні, ал Сенат пен Мәжіліс таратылатыны жарияланды. Сондай-ақ Конституцияға енгізілетін қосымша түзетулерді әзірлейтін жұмыс тобы құрылды.

Нәтижесінде ұсынылған өзгерістер ауқымы үлкен болып, Қасым-Жомарт Тоқаев оны жаңа Конституция деп атады. Осыдан кейін бірнеше ай өткен соң Қазақстанда жаңа Конституцияны қолдау немесе оған қарсы дауыс беру жөнінде республикалық референдум өткізу туралы шешім қабылданды.

ҚАЗІР ТАЛҚЫЛАНЫП ЖАТЫР

“Қазақстан тарихының жаңа дәуірі басталады“: Тоқаев халыққа үндеу жасады

Бүгін 08:02 1

15 наурызда өткен республикалық референдумда дауыс берген азаматтардың 87,15 пайызы конституциялық өзгерістерді қолдады.

Кеше Астанада Парламент палаталарының Қазақстан тарихындағы соңғы бірлескен отырысы өтті. Tengrinews.kz тілшілері осы тарихи оқиғаның куәсі болды.

“Көңіл күй жақсы“. Қазақстан Парламенті қалай тарих қойнауына енді?

Сілтемесіз жаңалық оқисыз ба? Онда Telegram желісінде парақшамызға тіркеліңіз!