Қазақтелеком Қазақстандағы Telegram жұмысындағы іркілісті түсіндірді

"Қазақтелеком" АҚ Қазақстандағы пайдаланушылар үшін Telegram мессенджерінде ақау пайда болғанын тіркеді, - деп хабарлайды Tengrinews.kz тілшісі.

Компания мәліметінше, мамандар Франкфурт пен Мәскеудегі негізгі халықаралық пиринг нүктелерінде Telegram бағытындағы трафиктің күрт төмендегенін де атап өтті.

Бұл ретте оператордың өз инфрақұрылымында апаттар, техникалық іркілістер немесе басқа да ақаулар анықталған жоқ. "Қазақтелеком" желісі штаттық режимде жұмыс істеп тұр.

Мәселенің себептерін анықтау үшін компания Telegram-ның әкімшілік-техникалық тобына ресми сауал жолдады.

"Қосымша ақпарат Telegram өкілдерінен жауап алынған бойда ұсынылады", - деп хабарлады "Қазақтелеком" өкілдері.

Жасанды интеллект және цифрлық даму министрлігі де мессенджерге қолжетімділікке қатысты мәселелер барын растады.

"Қазіргі уақытта Telegram мессенджерін пайдалануға байланысты жекелеген өтініштер тіркеліп жатыр. Техникалық мамандар жағдайды анықтап жатыр", - деп хабарлады ведомство.

Ақау себептері әзірге нақтыланбады.

ҚАЗІР ТАЛҚЫЛАНЫП ЖАТЫР

Алматыда Яссауи көшесінің бір бөлігі уақытша жабылады

Кеше 18:39 1

Еске салайық, бұған дейін қазақстандықтар Telegram жұмысындағы ақаулар туралы хабарлаған болатын. Сондай-ақ Detector404 мәліметтері де ақау барын растайды.

Google News арқылы жаңалықтарымызды қадағалаңыз