Қонаев тұрғындары мүлік құқы бұзылғанын айтып Мәжіліс депутатына шағымданды

Алматы облысына барған Мәжіліс депутаты, Жалпыұлттық социал демократиялық партия фракциясының мүшесі Асхат Рақымжанов Қонаев қаласының прокуроры Жәнібек Жақаевпен кездесті. Кездесуде «Қапшағай – Алтын Алма» тұтынушылық бақша кооперативінің (ТБК) төңірегінде біраздан бері жалғасып жатқан мүлік дауы, сондай-ақ коммуналдық инфрақұрылым объектілерін басқарудағы заңсыз делінген кейбір әрекеттерге қатысты мәселелер талқыланды, деп жазады Egemen.kz.

Талқылауға қалалық полиция, жергілікті әкімдіктің ішкі саясат, тұрғын үй-коммуналдық шаруашылық басқармаларының өкілдері, сондай-ақ «Қапшағай – Алтын Алма» тұтынушылық бақша кооперативінің (ТБК) мүшелері қатысты.

«Қапшағай – Алтын Алма» ТБК өкілдерінің айтуынша, дау кооператив мүшелерінің қаражаты есебінен салынған және күтім жасалған, ұзындығы 3 600 метрге жуық су желісіне қатысты болып отыр. Кейіннен аталған нысан ресімдердің заңдылығы күмәнді жағдайда және құқықтардың ауысуы тиісті түрде тіркелмей, үшінші тұлғалардың пайдасына ресімделіп кеткен.

Асхат Рақымжанов бұл жағдайды зерделеу кезінде мүлікті ресімдеудің заңдылығына қатысты сұрақтар туындағанын айтты.

«Біз жағдайды егжей-тегжейлі қарастыра келіп, жай серіктестіктер деп аталатын мүлікті ресімдеу заңдылығына қатысты көптеген мәселелерді байқадық. Қазіргі таңда заңнаманы сақтамау белгілері бар деуге болады», деді депутат.

Оның айтуынша, серіктестіктерді құру хаттамаларын ресімдеу процесі мен ондағы қолтаңбалардың шынайылығына қатысты жайт ерекше назар аударып отыр.

Кездесу барысында тұрғындардың 1998 жылы өз есебінен салған су құбыры желілерін беруі мәселесі де қозғалды. Асхат Рақымжанов атап өткендей, тұрғындар су желілерін өз күшімен салып, оған күтім жасаған. Сондай-ақ шығындарын көтеріп, салық төлеген. Бірақ кейіннен бұл мүлік үшінші тарапқа берілген. Оның пікірінше, серіктестіктер құру кезінде бұзушылықтар болған жағдайда бұл ресімдеу процесі жүргізілмеуі керек еді.

Жиын қорытындысы бойынша Қонаев қаласының прокуратурасы жағдайды бақылауға алғанын жеткізді. Қадағалаушы органның алдына осы істің барлық мән-жайын, соның ішінде кондоминиум нысандарын ресімдеу мен меншік иелерінің құқын қорғауға қатысты жайттарды қайтадан жан-жақты қарау мәселесі қойылды.

«Негізгі міндет – әділдікті қайта орнату. Инфрақұрылымға қаражат салған адамдар өз мүдделерін қорғауға және кеткен шығындарын өтеуге құқылы. Барлық шешім тек құқық негізінде қабылдануға тиіс», деді Асхат Рақымжанов.

Кездесу барысында депутат Мәжілістегі Жалпыұлттық социал демократиялық партия (ЖСДП) фракциясының заңнаманы жетілдіру қызметі туралы баяндады. Атап айтқанда, тиісті заң жобасы аясында бау-бақша серіктестіктерін мемлекеттік қолдау күшейетініне тоқталды. Партияның бастамалары азаматтардың өтініштеріне және саяжай бірлестіктерінің жергілікті жерлерде кездесетін нақты проблемаларына негізделгенін жеткізді.

Депутат сондай-ақ өңірлерге жұмыс сапарлары, сайлаушылармен кездесулер жер-жердегі жүйелі проблемаларды анықтауға, оған қолданыстағы заңнама шеңберінде мемлекеттік органдардың назарын аударуға мүмкіндік беретінін атап өтті.

Мәжіліс депутаттарының өңірлердегі кездесулері 5-13 қаңтар аралығында жалғасады. Жұмыс сапарлары барысында AMANAT, Ауыл, Ақ жол, ЖСДП, Қазақстан Коммунистік партиясы және Respublica саяси партияларының парламенттік фракцияларының депутаттары сайлаушыларды қабылданған заңдар туралы хабардар етеді. Олардың жергілікті жерлерде қолданылу барысын зерделейді және азаматтарды толғандыратын өзекті мәселелер мен проблемаларды тыңдайды.

Соңғы жаңалықтар

Павлодар әуежайы қайтарылған активтер есебінен жаңартылады

Қоғам • Кеше

5 қаңтарда Қазақстанда қар жауып, көктайғақ болады

Ауа райы • Кеше

Елімізде енді оқушыларды жасанды интеллект репетиторлары оқытады

Білім • Кеше

Жер бетінде магниттік дауыл басталды

Ғылым • Кеше

Иранда жаппай наразылықтарға байланысты интернетке шектеу қойылды

Әлем • Кеше

8 мыңнан астам белсенді, 50-ге жуық ұйым: Астанада волонтерлік қызмет қарқынды дамып келеді

Волонтер • Кеше

БҚО-да ауа райына байланысты үш республикалық жол жабылды

Ауа райы • Кеше

Венесуэлаға қарсы әскери операцияға 150 бомбалаушы, жойғыш және барлау ұшағы қатысқан

Әлем • Кеше

БҰҰ қауіпсіздік кеңесі Венесуэладағы жағдайға байланысты шұғыл отырыс өткізеді

Әлем • Кеше

Ұлытау облысында жоғалған үш адам табылды

Қоғам • Кеше

Ақтауда жүргізушілер жол таңбаларының сапасына шағымданды

Аймақтар • Кеше

Аружан Сағандықова 7 млн теңгелік турнирде жеңіске жетті

Спорт • Кеше

2026 жылы Қазақстанда 11 мың шақырымнан астам жол салынады

Үкімет • Кеше

Астанада мәдениет қайраткерлеріне мемлекеттік стипендия тапсырылды

Мәдениет • Кеше

Фаббинг деген не және ол не үшін зиян?

Қоғам • Кеше

Барлық жаңалықтар