Қостанайда полицейлер мен қамаудағылар мінген автозак аударылды

Апат 16 маусым күні күндіз болған. Полицейлердің қызметтік көлігі таксимен соқтығысып, бүйірімен аударылып қалған. Полиция департаментінің мәліметінше, автозакта тергеу изоляторында отырған бес адам болған.

Алдын ала мәлімет бойынша, Баймағамбетов көшесімен келе жатқан Jac маркалы қызметтік көлік жарқылдауық шамдарын қосып, қиылыстан өту кезінде маневрдің қауіпсіз екеніне көз жеткізбестен, Гоголь көшесімен бағдаршамның жасыл түсіне өтіп бара жатқан Chevrolet Cobalt автокөлігімен соқтығысқан.

Қазіргі уақытта полицейлер оқиғаның барлық мән-жайы мен себептерін анықтап жатыр.

Тараздағы даулы видео: полиция басшысы қызметінен кетуі мүмкін

Жол апатынан кейін бес адам тексеру үшін қалалық аурухананың травматология бөліміне жеткізілді. Зардап шеккен екі полиция қызметкері әлі де дәрігерлердің бақылауында.

Ал «Яндекс Такси» жүргізушісі жол апатынан зардап шеккен жоқ.