Қостанайда құны 60 млн теңгеге жуық майнинг жабдықтары саудаға шығарылды

Сату туралы хабарлама 2026 жылғы 22 сәуірде e-qazyna сайтында орналастырылған. Аукцион онлайн форматта өтеді, қазіргі уақытта өтінімдер қабылданып жатыр.

Жарияланған мәліметке сәйкес, саудаға 883 бірлік жабдық шығарылған. Сипаттамада техниканың бұрын пайдаланылғаны, оның жұмысқа жарамдылығы тексерілмегені және жасырын ақауларын қоса алғанда түрлі кемшіліктер болуы мүмкін екені көрсетілген.

Сондай-ақ жабдықтардың ішкі техникалық жағдайына бағалау жүргізілмеген. Лоттың бағалау құны 58,4 миллион теңгені құрайды. Мүлікке қатысты ешқандай шектеу немесе тыйым салу шаралары жоқ.

Сатушы ретінде Қаржы министрлігі Мемлекеттік мүлік және жекешелендіру комитетінің Қостанай мемлекеттік мүлік және жекешелендіру департаменті көрсетілген. Мәліметте мүлікті беру және бекіту рәсіміне тек мемлекеттік мекеме немесе кәсіпорын нысанында тіркелген заңды тұлғалардың, соның ішінде әлеуметтік сала ұйымдарының қатыса алатыны ескертілген.

Сауда-саттық 2026 жылғы 8 мамыр күні сағат 10:00-де басталады.

Еске салайық, бұған дейін электронды саудада Кәрім Мәсімовтің зәулім үйінен алынған самурай қылышы мен былғары белдік сатылған болатын.