Құқықтық сауаттылық: Бектенов халыққа арналған кешенді бағдарламаны уақтылы әзірлеуді тапсырды

Елде Конституция нормаларын кеңінен түсіндіруге бағытталған жұмыстар жүйелі түрде жалғасады. Үкімет отырысында Премьер-министр Олжас Бектенов мемлекеттік органдарға тиісті іс-шаралар жоспарын толық әрі сапалы жүзеге асыруды тапсырды, деп хабарлайды Egemen.kz.

Жиында Үкімет басшысы Мемлекет басшысының тапсырмасына сәйкес Конституцияны түсіндіру жөніндегі кешенді жоспар бекітілгенін еске салды. Бүгінде бұл бағытта сарапшылар мен қоғам қайраткерлерінің қатысуымен Конституцияның барлық жаңашыл нормалары бойынша ақпараттық-түсіндіру жұмыстары жүргізіліп жатыр.

«Мемлекет басшысының тапсырмасына сәйкес Үкімет еліміздің Конституциясын түсіндіру жөніндегі іс-шаралар жоспарын бекітті. Қазіргі таңда сарапшылар мен қоғам қайраткерлерінің қатысуымен Конституцияның барлық новеллалары бойынша ақпараттық-түсіндіру жұмыстары жүйелі түрде жүргізіліп жатыр», деді Олжас Бектенов.

Премьер-министр бірқатар мемлекеттік органға нақты міндет жүктеді. Атап айтқанда, Мәдениет және ақпарат министрлігіне уәкілетті құрылымдармен бірлесіп, ақпараттық-түсіндіру жұмыстарын жалғастыру тапсырылды.

Үкімет жаңа Конституцияны түсіндіру жөніндегі іс-шаралар жоспарын бекітті

Сонымен қатар Оқу-ағарту министрлігі мен Ғылым және жоғары білім министрлігіне халықтың құқықтық сауаттылығын арттыруға арналған кешенді бағдарламаны әзірлеу міндеті қойылды. Бұл бағдарлама шеңберінде Конституцияның жаңа қағидаттары білім беру жүйесіне енгізілуі тиіс.

«Оқу-ағарту, Ғылым және жоғары білім министрліктері халықтың құқықтық сауаттылығын қалыптастыру жөніндегі кешенді бағдарламаны уақтылы әзірлеп, Конституцияның тың қағидаттарын мектептер мен колледждердің және университеттердің үлгілік оқу бағдарламаларына енгізуді қамтамасыз етуге тиіс», деді Үкімет басшысы.

Адам капиталы – конституциялық жаңару өзегі

Жиында сондай-ақ қолданыстағы заңнаманы жаңарту мәселесі де көтерілді. Премьер-министр жаңа Конституция талаптарына сәйкес барлық заңдар мен бағдарламалық құжаттарды қайта қарау қажеттігін атап өтті.

«Жаңа Конституция нормаларын ескере отырып, белгіленген мерзімдерде қолданыстағы заңнамаға кешенді талдау жүргізіп, барлық заңдар мен бағдарламалық құжаттарды өзектендіру жұмыстарын аяқтау қажет. Барлық орталық және жергілікті атқарушы мемлекеттік органдарға Іс-шаралар жоспарын жүзеге асыруды тапсырамын», деді Олжас Бектенов.

Осылайша Үкімет Конституция нормаларын қоғамға кеңінен түсіндірумен қатар, құқықтық мәдениетті арттыру және заңнаманы жаңғырту жұмыстарын қатар жүргізуді көздеп отыр.

Жаңа Конституция – жастардың ел дамуына нақты ықпал ету кезеңін бастайды

Соңғы жаңалықтар

7 сәуірге арналған ауа райы болжамы

Ауа райы • Бүгін, 10:03

Алматыда дәріханалар рецептісіз дәрі сатқан: Қылмыстық іс қозғалды

Алматы • Бүгін, 09:50

Солтүстік Қазақстан облысында ағаш өңдеу зауыты салынады

Өндіріс • Бүгін, 09:29

Бүгінгі доллар бағамы қандай?

Қаржы • Бүгін, 09:22

Аңдатпа

Аңдатпа • Бүгін, 09:15

Мәдениеттер тоғысындағы «Forte trio»

Өнер • Бүгін, 09:13

Сарқылмас ойдың кені

Қоғам • Бүгін, 09:10

Ырыздықты молайтуға ұмтылыс

Шаруашылық • Бүгін, 09:07

Саяхат табысын еселеуге не кедергі?

Туризм • Бүгін, 09:05

Өрт сөндіру техникасымен толықты

Аймақтар • Бүгін, 09:02

Астанада халықаралық кітап жәрмеңкесі өтеді

Көрме • Бүгін, 09:00

Көктем шуағын еселеген саябақ

Аймақтар • Бүгін, 08:57

Дәстүр мен жасампаздықты тұтастандырған Түркістан

Туризм • Бүгін, 08:55

Әмбебап медиаменеджер

Руханият • Бүгін, 08:53

Әдеби сынның бәсі қандай?

Әдебиет • Бүгін, 08:50

Барлық жаңалықтар